ព័ត៌មានជាតិ
ក្រសួង ចាត់ទុកព្រឹត្តិការណ៍សហគមន៍លើកនេះ មានលក្ខណៈធំ និងស្មុគស្មាញជាងពេលកន្លងមក
ក្នុងសេចក្តីប្រកាសព័ត៌មាននៅព្រឹកថ្ងៃនេះ (២២ កុម្ភៈ) ក្រសួងសុខាភិបាល បានបញ្ជាក់ថា ស្ថានភាពនៃការចម្លងក្នុងសហគមន៍នាពេលនេះ មានលក្ខខណៈធំជាង និងសាំញ៉ាំជាងព្រឹត្តិការណ៍សហគមន៍២៨វិច្ឆិកា ហើយវិធានការនិងអន្តរាគមន៍នានា គឺអាស្រ័យទៅតាមស្ថានភាពនៃការរកឃើញវត្តមានវីរុសកូវីដ១៩ នៅតាមទីតាំងនីមួយៗ។
ជាមួយគ្នានេះ ក្រសួងបានអំពាវនាវដល់ប្រជាពលរដ្ឋខ្មែរសហការនិងសាមគ្គីភាពគ្នា ដើម្បីចូលរួមដាក់ចេញវិធានការនានាប្រឆាំងកូវីដ១៩ ដោយម៉ឺងម៉ាត់។ នៅក្នុងនោះបុគ្គលដែលធ្លាប់បានចេញចូលទីតាំងដែលមានករណីឆ្លង ពីថ្ងៃទី៦ ដល់ថ្ងៃទី២០ ខែកុម្ភៈ ឆ្នាំ២០២១ ឬដឹងថា ខ្លួនជាអ្នកប៉ះពាល់ជាមួយអ្នកមានវីរុសកូវីដ១៩ ត្រូវមានភាពស្មោះត្រង់ មិនលាក់លៀម និងស្ម័គ្រចិត្តមកធ្វើតេស្តរកមេរោគកូវីដ១៩ នៅមណ្ឌលសុខភាពចាក់អង្រែ នៃរាជធានីភ្នំពេញ ហើយដាក់ខ្លួននៅដាច់ដោយឡែកពីក្រុមគ្រួសារ ធ្វើចត្តាឡីស័កចំនួន១៤ថ្ងៃនៅតាមផ្ទះរៀងៗខ្លួន ព្រមទាំងតាមដានសុខភាពជារៀងរាល់ថ្ងៃ ប្រសិនបើមានអាការៈមិនស្រួលខ្លួន ដូចជាមានឡើងកំដៅខ្លួន ក្អក ផ្តាសាយ ឈឺបំពង់ក ឬពិបាកដកដង្ហើមជាដើម សូមហៅទៅលេខទូរស័ព្ទទាន់ហេតុការណ៍១១៥។
សូមបញ្ជាក់ថា នៅព្រឹកថ្ងៃទី២២ ខែកុម្ភៈនេះ ក្រសួងសុខាភិបាលបានប្រកាសពីការរកឃើអ្នកឆ្លងជំងឺកូវីដ១៩ ថ្មីចំនួន៣៥នាក់ថែមទៀត ដែលក្នុងនោះមាន៣១នាក់ ជាករណីវិជ្ជមានក្នុង «ព្រឹត្តិការណ៍សហគមន៍២០កុម្ភៈ» ដែលធ្វើឱ្យចំនួនសរុបនៃអ្នកឆ្លងក្នុងព្រឹត្តិការណ៍សហគមន៍ ២០កុម្ភៈ កើនដល់៧៦នាក់។ ចំនួននេះធ្វើឱ្យអ្នកឆ្លងសរុបក្នុងប្រទេសកើនឡើងចំនួន៥៦៨នាក់ ដោយក្នុងនោះអ្នកជាសះស្បើយចំនួន៤៧៥នាក់ និងអ្នកជំងឺចំនួន៩៣នាក់កំពុងសម្រាកនៅមន្ទីរពេទ្យ។
សម្រាប់ការផ្ទុះឡើងនូវព្រឹត្តិការណ៍សហគមន៍២០កុម្ភៈនេះដែរ មានទីតាំងសណ្ឋាគារ និងរង្គសាលជាង២០ត្រូវបិទ រីឯសាលារៀនរដ្ឋ និងឯកជន មានភូមិសាស្រ្តស្ថិតក្នុងរាជធានីភ្នំពេញ និងខេត្តកណ្តាលប្រមាណ៧ហើយត្រូវបានឱ្យផ្អាកដំណើរការជាបណ្តោះអាសន្ន ក្រោយពីរកឃើញថាអាណាព្យាបាលរបស់ពួកគេមានវិជ្ជមានវីរុសកូវីដ១៩៕
កក្រើកក្រុងបាត់ដំបងពន្លឺភ្លើងសចែងចាំង និងសំឡេងផ្ទុះធ្លាក់ពីលើមេឃបង្កការភ្ញាក់ផ្អើលទាំងយប់
អត្តពលិកជនពិការចូលរួមប្រកួតកីឡាអាស៊ានប៉ារ៉ាហ្គេម កោតសរសើរការរៀបចំនិងការយកចិត្តទុកដាក់របស់រាជរដ្ឋាភិបាលកម្ពុជាក្នុងនាមជាម្ចាស់ផ្ទះ
ព្រឹកនេះ សម្តេចតេជោនាយករដ្ឋមន្រ្តី បន្តចុះជួបកម្មករ កម្មការិនីជិត ២ ម៉ឺននាក់ នៅខេត្តកំពង់ឆ្នាំង
នំបញ្ចុកសៀមរាប ផលិតឡើងតាមរូបមន្តពីបុរាណរបស់អ្នកឃុំព្រះដាក់ ត្រៀមចុះបញ្ជីម៉ាកសមូហភាព ដើម្បីលើកកម្ពស់ភាពប្រកួតប្រជែងនៅលើទីផ្សារ
«គុនខ្មែរ» ត្រូវបានចុះបញ្ជីទទួលស្គាល់ដោយ UNESCO យ៉ាងច្បាស់ៗ ខណៈ «Muay Thai» គ្រាន់តែជា…
