ចំណេះដឹង-អប់រំ
អាមេរិកប្រើប្រាស់ប្រព័ន្ធខ្នាតខុសពីគេដូចជា «ចម្ងាយគិតជាម៉ាយ» ឬ «ទម្ងន់គិតជាផោន»
(ភ្នំពេញ)៖ នៅក្នុងប្រទេសនានាស្ទើរតែទូទាំងពិភពលោកនាំគ្នាប្រើប្រាស់ប្រព័ន្ធខ្នាតអន្តរជាតិហៅថា International System of Units ឬ Metric System ចំណែកសហរដ្ឋអាមេរិកវិញបានប្រើប្រាស់ប្រព័ន្ធខ្នាតផ្ទាល់ខ្លួនមួយ ដែលយោងតាមប្រព័ន្ធខ្នាតសម័យមុន របស់ចក្រភពអង់គ្លេស ហៅថា Imperial System ។
Imperial System គឺជាប្រព័ន្ធខ្នាតទម្ងន់ និងវង្វាស់ផ្លូវការនៅក្នុងចក្រភពអង់គ្លេស មុនពេលពួកគេងាកមកប្រើប្រាស់ប្រព័ន្ធខ្នាតអន្តរជាតិនៅឆ្នាំ១៩៦៥ ។
ទោះជាខ្លួនទទួលបានឯករាជ្យពីអង់គ្លេសក៏ដោយ អាមេរិកបានសម្រេចនៅបន្តប្រើប្រព័ន្ធខ្នាត ដោយយោងទៅតាមប្រព័ន្ធ Imperial System ដដែល ។
ម្យ៉ាងវិញទៀតនៅក្នុងអំឡុងពេលសម័យបដិវត្តន៍ឧស្សាហកម្មដំបូងបំផុត អាជីវកម្មធំៗជាច្រើននៅអាមេរិកបានរួមគ្នា បង្កើតចលនារារាំងមិនឲ្យមាន ការផ្លាស់ប្តូរទៅប្រព័ន្ធ Metric System ឡើយ បើទោះបីជាប្រព័ន្ធខ្នាតអន្តរជាតិនេះ កាន់តែពេញនិយមទៅៗក៏ដោយ មកដល់សព្វថ្ងៃនេះ អាមេរិកក៏នៅតែគ្មានបំណងហាក់ចង់ប្តូរប្រព័ន្ធខ្នាតរបស់ខ្លួនដែរ ។
ខ្នាតនៃប្រព័ន្ធនេះមានដូចជា Inch, Foot/Feet, Yard និង Mile សម្រាប់ប្រវែង ព្រមទាំង Ounce និង Pound សម្រាប់ទម្ងន់ ហើយសូម្បីតែខ្នាតសីតុណ្ហភាពក៏សហរដ្ឋអាមេរិក នៅបន្តប្រើប្រព័ន្ធខ្នាតចាស់ខុសពីគេដូចគ្នាផងដែរគឺ ហ្វារិនហៃ (Fahrenheit) នៅលើពិភពលោក បានប្រើខ្នាតអង្សាសេ (Celsius) សម្រាប់ខ្នាតសីតុណ្ហភាពមួយទៀតគឺ កែលវិន (Kelvin) គេនិយមប្រើក្នុងផ្នែកវិទ្យាសាស្រ្ត ឬវេជ្ជសាស្ត្រ ។
Metric System យកម៉ែត្រធ្វើជាខ្នាតគោលសម្រាប់ប្រវែង និងគីឡូក្រាមសម្រាប់ទម្ងន់ ប្រព័ន្ធខ្នាតនេះត្រូវបានប្រើប្រាស់មុនដំបូងបង្អស់ នៅប្រទេសបារាំងក្នុងឆ្នាំ១៧៩៥ ក្រោយសម័យបដិ វត្តន៍នៅបារាំង ក្រុមអ្នកវិទ្យាសាស្រ្តបារាំងបានព្យាយាមបង្កើតប្រព័ន្ធខ្នាតរួមមួយ តាំងតែពីពេលនោះមក ប្រព័ន្ធ Metric ក៏បានចាប់កំណើតឡើង និងត្រូវបានយកទៅប្រើជាខ្នាតផ្លូវការដោយស្ទើរតែគ្រប់ប្រទេសទាំងអស់ជាបន្តបន្ទាប់ ។
ខ្នាតគោលរបស់ប្រព័ន្ធ Metric រួមមានដូចជា ម៉ែត្រ (ប្រវែង/ចម្ងាយ), គីឡូក្រាម (ទម្ងន់), វិនាទី (ពេលវេលា), អំពែ (កម្លាំងអគ្គិសនី) ព្រមទាំងកែលវិននិងអង្សាសេ (សីតុណ្ហភាព) ជាដើម ។
ក្រៅពីសហរដ្ឋអាមេរិក មានប្រទេសតែ២ទៀតប៉ុណ្ណោះ ដែលមិនទាន់បានយកប្រព័ន្ធខ្នាត Metric ធ្វើជាប្រព័ន្ធខ្នាតផ្លូវការរបស់ខ្លួន នោះគឺប្រទេសលីបេរីយ៉ា ដែលនៅអាហ្រ្វិកខាងលិច និងប្រទេសមីយ៉ាន់ម៉ា នៅក្នុងសគមន៍អាស៊ាន ៕
កសិករហឿន សាវ៉ៃ កំពុងប្រមូលផលដំណាំត្រប់ស្រួយជាលើកដំបូងលក់ទៅកាន់ទីផ្សារ
កីឡាជាតិលើកទី៣ ខេត្តកែបប្រមូលមេដាយបាន៣០គ្រឿង អភិបាលខេត្តចាត់ទុកជាលទ្ធផលប្រសើរ
សម្តេចតេជោ ហ៊ុន សែន អញ្ជើញគោរពវិញ្ញាណក្ខន្ធសពលោកតាឧបាសក ឌី បូ ត្រូវជាឪពុកមារបស់សម្តេច នៅគេហដ្ឋានលេខ៤១-៤៣ ផ្លូវ២៦៥ សង្កាត់ទឹកល្អក់ ៣ ខណ្ឌទួលគោក រាជធានីភ្នំពេញ
កម្មវិធីសម្ពោធសាលាដំណាក់សមត្ថិផលថ្មី ប្រសូតចេញពីការរួមគ្នារបស់ពុទ្ធសាសនិកជន
ពយជំទាវម៉ៅ មានឆ្នេរប្រវែង ១៣ គីឡូម៉ែត្រ កំពុងក្លាយជាគោលដៅទេសចរណ៍ដ៏ទាក់ទាញក្នុងខេត្តព្រះសីហនុ!
