បៃដិន ថា  ពូទីន កំពុងរ៉ាវរក “អុកស៊ីសែន” ជាមួយនឹងបទឈប់បាញ់

លោក ចូ បៃដិនប្រធានាធិបតីអាមេរិក បានលើកឡើងថា ការលំបាករបស់លោក វ្ល៉ាឌីមៀរ ពូទីន ប្រធានាធិបតីរុស្ស៊ីនៅក្នុងប្រទេសអ៊ុយក្រែន បន្ទាប់ពីសង្រ្គាមអស់រយៈពេល៣១១ថ្ងៃ និងការបាត់បង់ជីវិតមនុស្ស

រាប់ម៉ឺននាក់ បានជំរុញឲ្យ លោកពូទីន ស្នើឲ្យមានបទឈប់បាញ់រយៈពេល៣៦ម៉ោង។ លោក បៃដិន និយាយថា “ខ្ញុំគិតថា គាត់កំពុងព្យាយាមរកអុកស៊ីសែន”។

នេះបើយោងតាមវិមានក្រឹមឡាំង, លោកពូទីនបានបញ្ជាឲ្យមានបទឈប់បាញ់ ចាប់ពីពាក់កណ្តាលថ្ងៃត្រង់នៅថ្ងៃសុក្រទី០៦ខែមករានេះទៅ បន្ទាប់ពីការអំពាវនាវឲ្យមានបទឈប់បាញ់បុណ្យណូអែលដោយសម្តេច

សង្ឃ Kirill នៃទីក្រុងមូស្គូ ដែលជាប្រធានព្រះវិហារគ្រិស្តអូស្សូដក់របស់រុស្ស៊ី។

ទោះបីជាយ៉ាងណាក៏ដោយ អ៊ុយក្រែន​បាន​បដិសេធបទឈប់​បាញ់​ក្នុង​ឱកាស​បុណ្យណូអែល​គ្រិស្ត​អូស្សូដក់ ដោយ​និយាយ​ថា ​នឹង​គ្មាន​បទ​ឈប់​បាញ់​ទេ​ រហូតទាល់តែ​រុស្ស៊ី​ដក​កង​កម្លាំង​វាយលុករបស់​ខ្លួន​ចេញ​ពី​ដី​កាន់

កាប់។

នៅពេលសួរអំពីបទឈប់បាញ់នេះ លោក បៃដិន បានប្រាប់អ្នកយកព័ត៌មាននៅសេតវិមានថា “ខ្ញុំហាក់ស្ទាក់ស្ទើរក្នុងការឆ្លើយតបទៅនឹងអ្វីដែលលោកពូទីននិយាយ។ ខ្ញុំឃើញថា គាត់មានឆន្ទៈទម្លាក់គ្រាប់

បែកលើមន្ទីរពេទ្យ និងព្រះវិហារ នៅថ្ងៃទី២៥និងថ្ងៃចូលឆ្នាំថ្មីសកល។ ខ្ញុំចង់និយាយថា ខ្ញុំគិតថាគាត់កំពុងព្យាយាមរកអុកស៊ីសែនខ្លះប៉ុណ្ណោះ”។

បទឈប់បាញ់របស់លោកពូទីន នឹងចាប់ផ្តើមនៅថ្ងៃទី០៦ខែមករា នៅពេលគ្រិស្តបរិស័ទអូស្សូដក់ជាច្រើន រួមទាំងអ្នកដែលរស់នៅក្នុងប្រទេសរុស្ស៊ី និងអ៊ុយក្រែន ប្រារព្ធពិធីបុណ្យណូអែល។  វានឹងក្លាយជាបទឈប់

បាញ់ដ៏សំខាន់លើកដំបូងក្នុងសង្រ្គាមដែលមានរយៈពេលជាង៣១១ថ្ងៃមក ដែលបានឆក់យកជីវិតមនុស្សរាប់ម៉ឺននាក់ និងបំផ្លិចបំផ្លាញតំបន់ដ៏ធំនៅក្នុងប្រទេសអ៊ុយក្រែន៕