Connect with us

ព័ត៌មានជាតិ

ខ្សែបញ្ជូនថាមពលអគ្គិសនី កម្លាំង ៥០០គីឡូវ៉ុល ពីឡាវ មកដល់កម្ពុជា

(ឡាវ)៖ ប្រទេសឡាវ បានដាក់ឱ្យដំណើរការខ្សែបញ្ជូនថាមពលអគ្គិសនីកម្លាំង ៥០០គីឡូវ៉ុល តភ្ជាប់ស្ថានីយអគ្គិសនីនៅភូមិមួយក្នុងខេត្តចំប៉ាសាក់ ភាគខាងត្បូងរបស់ខ្លួន ទៅកាន់តំបន់ព្រំដែនកម្ពុជា ។នៅថ្ងៃព្រហស្បតិ៍ ទី៥ ខែមករា ឆ្នាំ២០២៣ នេះ វិទ្យុជាតិឡាវ បានដកស្រង់សម្តីអនុរដ្ឋមន្ត្រីក្រសួងថាមពល និងរ៉ែ ឯកឧត្តម ថងផាត អ៊ីនថាវង្ស (Thongphat Inthavong) នៅក្នុងពិធីសម្ពោធកាលពីថ្ងៃអង្គារ ទី៣ ខែមករា ឆ្នាំ២០២៣ ថា គម្រោងនេះនឹងដើរតួនាទីយ៉ាងសំខាន់ក្នុងការអភិវឌ្ឍន៍វិស័យថាមពលនៅក្នុងប្រទេសអាស៊ីអាគ្នេយ៍ ជាពិសេសសមត្ថភាពផ្គត់ផ្គង់អគ្គិសនីដល់ប្រជាពលរដ្ឋក្នុងស្រុក និងផ្តល់អត្ថផលប្រយោជន៍ដល់ការអភិវឌ្ឍន៍សេដ្ឋកិច្ច ។ឯកឧត្តម ចាន្ថាប៊ូន សូកាលូន (Chanthaboun Soukaloun) នាយកគ្រប់គ្រងនៃអគ្គិសនីរដ្ឋឡាវ (EDL) បាននិយាយថា ខ្សែបញ្ជូនថាម ពលអគ្គិសនី និងស្ថានីយ៍ចែកចាយបន្ត គឺជាផ្នែកមួយនៃគម្រោងជាតិ ដែលបានប្រើប្រាស់បច្ចេកទេសទំនើប ជាមួយនឹងទំហំវិនិយោគខ្ពស់ វា​ជា​សមិទ្ធផល​ដ៏​សំខាន់​មួយ​សម្រាប់​យុទ្ធសាស្ត្រ​របស់​ប្រទេស ​ក្នុង​ការ​នាំ​ចេញ​ថាមពល​អគ្គិសនី​ទៅកាន់​ប្រទេស​ជិតខាង ជាពិសេស​កម្ពុជា ។បណ្តាញបញ្ជូន​ថាមពលអគ្គិសនី​នេះ​មាន​ប្រវែង​ជាង ២០០​គីឡូម៉ែត្រ ហើយ​រត់​កាត់​ស្រុក ខុង​(Khong) នៃ​ខេត្ត​ចំប៉ាសាក់ និង​ស្រុក  សាន់ ណាំស័យ (Sanamxay)  និង ភូវង់ (Phouvong) ​ក្នុង​ខេត្ត​ អាត់តាពឺ (Attapeu)  ។ វារីអគ្គីសនីជាច្រើនត្រូវបានសាងសង់នៅក្នុងប្រទេសឡាវ ដែលជាផ្នែកមួយនៃយុទ្ធសាស្ត្ររបស់រដ្ឋាភិបាលក្នុងការប្រែក្លាយប្រទេសនេះទៅ ជា “ថ្មសាក” នៃអាស៊ីអាគ្នេយ៍ ។គិតត្រឹមឆ្នាំ២០២២ ប្រទេសឡាវមានប្រភពថាមពលអគ្គិសនីចំនួន៩០ ជាមួយនឹងសមត្ថភាពដំឡើងសរុបជិត ១១,០០០មេហ្កាវ៉ាត់ ប្រ ភពថាមពលអគ្គិសនី​ទាំង​នោះ​រួម​មាន ​វារីអគ្គិសនី​ចំនួន៧៧ រោងចក្រ​ថាមពល​ពន្លឺ​ព្រះអាទិត្យ​ចំនួន ៨គម្រោង​ ជីវម៉ាស់​ចំនួន៤ និង​រោងចក្រ​ថាមពល​ដើរ​ដោយ​ធ្យូងថ្ម​ចំនួនមួយ ។ក្នុងអំឡុងឆ្នាំ ២០២១-២០២៥ ឡាវគ្រោងនឹងផលិតថាមពលអគ្គិសនីបន្ថែមចំនួន ១,៨០៧មេហ្កាវ៉ាត់ ដោយប្រើវារីអគ្គិសនីមានចំនួន ៥៧ភាគរយនៃថាមពលសរុប ថាមពលធ្យូងថ្ម ១៩ភាគរយ និងថាមពលពន្លឺព្រះអាទិត្យ ២៤ភាគរយ ។

បើយោងតាមរបាយការណ៍ប្រព័ន្ធផ្សព្វផ្សាយនៅឆ្នាំ២០៣០ ឡាវគ្រោងនឹងផលិតថាមពលអគ្គិសនីឲ្យបាន ៥,៥៥៩ មេហ្កាវ៉ាត់បន្ថែមទៀត ក្នុងចំណោមថាមពលអគ្គិសនីសរុប ថាមពលអគ្គិសនីដែលមានកម្លាំ៧៧.៥៩ ភាគរយ នឹងមកពីវារីអគ្គិសនី ហើយប្រភពថាមពលនៅ សេសសល់នឹងមកពី រោងចក្រថាមពលពន្លឺព្រះអាទិត្យ ខ្យល់ និងធ្យូងថ្ម ៕

Click to comment

Leave a Reply

Your email address will not be published. Required fields are marked *

Facebook