Connect with us

ព័ត៌មានទាន់ហេតុការណ៍

ចិន ធ្វើសមយុទ្ធយោធា ក្នុងដែនទឹក និងដែនអាកាស លើកោះតៃវ៉ាន់

 

 

កាលពីថ្ងៃអាទិត្យទី០៨ខែមករាឆ្នាំ២០២២ លោក Shi Yi អ្នកនាំពាក្យនៃទីបញ្ជាការភូមិភាគខាងកើត បាននិយាយថា កងទ័ពរំដោះប្រជាជនចិន (PLA) បានធ្វើសមយុទ្ធយោធានៅក្នុងដែនទឹក និងដែនអាកាស

របស់តៃវ៉ាន់ ដើម្បីសាកល្បងប្រសិទ្ធភាពប្រយុទ្ធរបស់កងទ័ពចិន។

អ្នកនាំពាក្យបាននិយាយនៅក្នុងសេចក្តីថ្លែងការណ៍មួយថា “កាលពីថ្ងៃទី០៨ខែមករា ទីបញ្ជាការភូមិភាគខាងកើត PLA បានរៀបចំការល្បាតប្រយុទ្ធរួមគ្នានៃប្រភេទ និងសាខារបស់កងទ័ព និងធ្វើលំហាត់យោធា

ជាក់ស្តែងនៅក្នុងសមុទ្រ និងដែនអាកាសជុំវិញកោះតៃវ៉ាន់”។

ហើយសេចក្តីថ្លែងការណ៍ក៏បានបន្តថា គោលបំណងនៃសមយុទ្ធនេះ គឺដើម្បីពិនិត្យមើលសមត្ថភាពប្រយុទ្ធរួមគ្នារបស់កងទ័ព ហើយប្រឆាំងយ៉ាងម៉ឺងម៉ាត់ចំពោះសកម្មភាពបង្កហេតុរបស់កងកម្លាំងខាងក្រៅ និង

ផ្តាច់ខ្លួនដែលតស៊ូមតិទាមទារឯករាជ្យរបស់កោះតៃវ៉ាន់។

សូមបញ្ជាក់ថា ៖   ស្ថានការណ៍ជុំវិញកោះតៃវ៉ាន់ បានឡើងកម្តៅខ្លាំង ចាប់ផ្តើមតាំងពីប្រធានសភាអាមេរិកលោកស្រី Nancy Pelosi ធ្វើទស្សនកិច្ចកោះនេះកាលពីដើមខែសីហា។ ទីក្រុងប៉េកាំងបានថ្កោលទោស

ដំណើរទស្សនកិច្ចនោះ ខណៈខ្លួនចាត់ទុកថាជាកាយវិការគាំទ្រចំពោះការបំបែកខ្លួន ហើយបានចាប់ផ្តើមសមយុទ្ធយោធាទ្រង់ទ្រាយធំនៅតំបន់ជុំវិញកោះនេះ។

ទោះបីជាយ៉ាងណាក៏ដោយ ប្រទេសមួយចំនួន រួមទាំងបារាំង អាមេរិក ជប៉ុន អង់គ្លេស និងប្រទេសដទៃទៀត បានបញ្ជូនគណៈប្រតិភូរបស់ពួកគេទៅកាន់កោះនេះ ហើយចាប់តាំងពីពេលនោះមក ភាពតានតឹង

នៅក្នុងច្រកសមុទ្រតៃវ៉ាន់ បានឡើងកម្តៅខ្លាំងមួយកម្រិតទៀត៕

 

 

Click to comment

Leave a Reply

Your email address will not be published. Required fields are marked *

Facebook