Connect with us

ព័ត៌មានទាន់ហេតុការណ៍

ចិន​ត្រៀមខ្លួន​ក្នុង​ការបង្កើន​កិច្ចសហប្រតិបត្តិការ​ជាមួយ WHO​និង​ចរចា​ទិញ​សិទ្ធិ​ផលិត​ថ្នាំ​កូ​វីដ​របស់ក្រុមហ៊ុនPfizer

ប្រែ​សម្រួល ពី(​ស៊ីនហួ​​) ៖ អ្នកនាំពាក្យ​ក្រសួងការបរទេស​ចិន លោកជំទាវ ម៉ៅ នី​ង (Mao Ning)​បាន​និយាយ​កាលពី​ថ្ងៃ​សុក្រ​ទី​៦​មករា​ ឆ្នាំ២០២៣ នេះថា ​ចិន​បាន​បញ្ជូន​អ្នកជំនាញ​ទៅកាន់​​រដ្ឋ​សមាជិក ​អង្គការ​សុខភាព​ពិភពលោក (WHO)​ ចិន​បាន​ត្រៀម​ខ្លួន​រួច​ហើយក្នុង​ការបង្កើន​កិច្ចសហប្រតិបត្តិការ​ជាមួយ WHO ​និង​ប្រទេស​ដទៃ​ទៀត​​លើ​ពិភពលោក​ដើម្បី​ដោះស្រាយ​បញ្ហា​ប្រឈម​កូវី​ដ​ឱ្យ​កាន់តែ​មាន​ប្រសិទ្ធភាព ​។​​លោកជំទាវ ​បាន​និយាយថា អាជ្ញា​ធរមាន​សមត្ថកិច្ច​របស់​ចិន​បាន​ចែករំលែក​ព័ត៌មាន​អំពី​ជំងឺ​រាតត្បាត​ជាមួយ​សហគមន៍​អន្តរជាតិ​ក្នុង​លក្ខណៈ​ទាន់ពេលវេលា បើក​ចំហ ​និង​តម្លាភាព​ស្របតាម​ច្បាប់ ​និង​​រក្សា​ទំនាក់ទំនង​យ៉ាង​ជិតស្និទ្ធ​ជាមួយ WHO ចាប់តាំងពី​ជំងឺ​កូវី​ដ​បានចាប់ផ្តើម ​។​

​លោកជំទាវ​បាន​និយាយ​ថា​តប​តាម​ការអញ្ជើញ​របស់ WHO ចិន​បាន​បញ្ជូន​អ្នកជំនាញ​កាលពី​ថ្ងៃ​ព្រហស្បតិ៍​ទៅកាន់​សន្និសីទរ​បស់​រដ្ឋ​ជា​សមាជិក​របស់ WHO ដែល​ពួកគេ​ពន្យល់​ពី​វិធានការ​ឆ្លើយតប ការត្រួតពិនិត្យ​មេរោគ​បំលែងថ្មី ការចាក់​វ៉ាក់សាំង និង​ការថែទាំ​ព្យា បាល​របស់​ចិន និង​មាន​អន្តរ ​កម្ម​យ៉ាងសកម្ម​ជាមួយ​រដ្ឋ​សមាជិក​ផ្សេងទៀត​ ។​

​លោកជំទាវ ម៉ៅ​ នីង បាន​និយាយទៀតថា “​យើង​បាន​កត់សម្គាល់​ឃើញថា WHO​ បាន​និយាយថា ពួកគេ​បាន​ឃើញ​ទិន្នន័យ​បន្ថែម​ទៀត​ស្តីពី​ការញែ​ក​មេរោគ​ដោយ​ប្រទេស​ចិន និង​បង្កើន​ការចូលរួម​ជាមួយ WHO ក្នុង​រយៈពេល​ប៉ុន្មាន​សប្តាហ៍​ចុងក្រោយ​នេះ​ពី​ប្រទេស​ចិន​”ចិន​ត្រៀមខ្លួន​ជាស្រេច​ក្នុង​ការបង្កើន​កិច្ចសហប្រតិបត្តិការ​ជាមួយ ​WHO​ និង​ប្រទេស​ដទៃ​ទៀត​លើ​ពិភពលោក ​ដើម្បី​ដោយស្រាយបញ្ហា​ប្រឈម​កូវី​ដ​ឱ្យ​កាន់តែ​មាន​ប្រសិទ្ធភាព និង​ការពារ​អាយុជីវិត​ និង​សុខភាព​មនុស្ស​កាន់តែ​ប្រសើរឡើង​” ​។

​ទន្ទឹមនឺងនេះដែរ ប្រភពបី​បាន​ប្រាប់​ទីភ្នាក់ងារ​សារព័ត៌មាន​រ៉​យ​ទ័​រថា ចិន​កំពុង​ពិភាក្សា​ជាមួយ​ក្រុមហ៊ុន Pfizer Inc ដើម្បី​ទទួលបាន​អាជ្ញាប័ណ្ណ​មួយ ដែល​នឹង​អនុញ្ញាត​ឱ្យ​អ្នក​ផលិត​ឱសថ​ក្នុងស្រុក​ផលិត ​និង​ចែកចាយ​ថ្នាំ​ប្រឆាំង​កូ​វីដ​របស់​ក្រុមហ៊ុន​អាម៉េរិក Paxlovid នៅក្នុង​ប្រទេស​ចិន ​។

​ប្រភព​មួយ​ក្នុងចំណោម​នោះ​ដែល​ដឹង​អំពី​បញ្ហា​នេះ​បាន​និយាយថា និយតករ​ផលិតផល​វេជ្ជសាស្ត្រ​របស់​ចិន គឺរដ្ឋបាល​ផលិតផល​វេជ្ជសាស្ត្រ​ជាតិ (NMPA) បាន​ដឹកនាំ​កិច្ច​ពិភាក្សា​ជាមួយ​ក្រុមហ៊ុន Pfizer តាំងពី​ចុង​ខែ​មុន​មក ​។​

​ប្រភព​ដដែល​បាន​បន្តថា រដ្ឋាភិបាល​ក្រុង​ប៉េកាំង​ចង់​សម្រេច​ឱ្យ​រួចរាល់​នូវ​លក្ខខណ្ឌ​កិច្ចព្រមព្រៀង​អាជ្ញាប័ណ្ណ នៅ​មុន​ថ្ងៃ​ចូលឆ្នាំថ្មី ដែល​នឹង​ចាប់ផ្តើម​នៅ​ថ្ងៃទី ២២ ខែ​មករា​ ឆ្នាំ២០២៣ ៕

Click to comment

Leave a Reply

Your email address will not be published. Required fields are marked *

Facebook