សមាគម និងអង្គការក្រៅរដ្ឋាភិបាលជាង ៦១០០ ត្រូវបានកត់ត្រា និងចុះបញ្ជីរនៅក្នុងប្រទេសកម្ពុជា

(ភ្នំពេញ)៖ បើគិត​ត្រឹម​ខែ​ធ្នូ​ ​ឆ្នាំ​២​០​២​២​ ​សមាគម​ ​និង​អង្គការ​មិនមែន​រដ្ឋាភិបាល​សរុប​ចំនួន​ ​៦​១​០​៩​ ​បាន​តម្កល់​ឯកសារ​ពាក់ព័ន្ធ​ ​និង​បាន​ចុះបញ្ជី​នៅ​ក្រសួងមហាផ្ទៃ​ ។​

​តួលេខ​នេះ​ត្រូវ​បាន​សម្តេចក្រឡាហោម ​ឧបនាយករដ្ឋមន្ត្រី​ ​ស​ ​ខេង​ ​រដ្ឋមន្ត្រី​ក្រសួងមហាផ្ទៃ​ចែករំលែក​កាល​ពីម្សិលមិញ​ថ្ងៃទី១១ ខែមករា  ឆ្នាំ២០២៣ ក្នុង​ពេល​ជា​អធិបតី​ក្នុង​វេទិកា​លើក​ទី​៥​ ​ស្តីពី​ភាពជា​ដៃគូ​រវាង​រាជរដ្ឋាភិបាល​ ​និង​អង្គការសង្គម​ស៊ីវិល​ (C​SO​s)​ ។

សម្តេច ​ស​ ​ខេង​ ​បន្ថែម​ថា​ ​ក្នុងចំណោម​ចំនួន​សរុប​ ​មាន​ ​២​៦​២​៣​ ​ជា​សមាគម​ ​ហើយ​នៅសល់​ ​ចំនួន​៣​៤​៨​៦​ ​ជា​អង្គការ​ក្រៅ​រដ្ឋាភិបាល​ ។​

សម្តេច​ ​ស​ ​ខេង​ ​បាន​មានប្រសាសន៍​វាយ​តម្លៃ​ខ្ពស់​ចំពោះ​ការចូលរួម​ចំណែក​របស់​អង្គការសង្គម​ស៊ីវិល​ក្នុង​ការ​អភិវឌ្ឍន៍​ជាតិ​ ​និង​កម្មវិធី​កំណែ​ទម្រង់​របស់​រាជរដ្ឋាភិបាល​ ​ជាពិសេស​ក្នុង​ការ​លើក​ក​ម្ពស់​អភិបាល​កិច្ច​ល្អ​ ​សិទ្ធិមនុស្ស​ ​ប្រព័ន្ធ​យុត្តិធម៌​ ​ការអប់រំ​ ​សុខភាព​ ​ធនធានធម្មជាតិ​ ​និង​បរិស្ថាន​ ។​

​សម្តេចឧបនាយករដ្ឋមន្ត្រី​ក៏បាន​កត់​សម្គាល់​ផង​ដែរ​ថា​ ​ពួកគេ​បាន​ធ្វើសកម្មភាព​នៅ​តាម​មូលដ្ឋាន​ ​ដោយ​មិន​មាន​ការនឿយហត់​ ​ដោយមាន​កិច្ច​សហការ​ពី​អាជ្ញាធរ​មូលដ្ឋាន​ ៕​ ​