ព័ត៌មានជាតិ
កម្ពុជាទទួលបានភ្ញៀវសរុបជិត ៤៦ម៉ឺននាក់នៅដើមខែមករានេះ
(ភ្នំពេញ)៖ យោងតាមរបាយការណ៍របស់ក្រសួងទេសចរណ៍ ចាប់ពីថ្ងៃទី២-៨ ខែមករា ២០២៣ នៅទូទាំងប្រទេសទទួលបានភ្ញៀវសរុបមានចំនួន៤៥៩ ៤០៩នាក់ ក្នុងនោះភ្ញៀវជាតិ៤១៥ ៧៩៣នាក់ និងភ្ញៀវបរទេស៤៣ ៦១៦នាក់ ។
ក្រសួងបង្ហាញថា គោលដៅទេសចរណ៍សំខាន់ៗ រួមមាន ខេត្តព្រះសីហនុ ២២៥ ៦៥៩នាក់, ខេត្តសៀមរាប ៤៧ ០៧០នាក់ និង រាជធានីភ្នំពេញ ៤១ ៦៤៦នាក់ ចំណែកនៅខេត្តកំពតទទួលបានភ្ញៀវ ៣០ ៤០៨នាក់ ខេត្តកំពង់ចាម ១៦ ២១៣នាក់ និង ខេត្តបាត់ដំបង ១៦ ១៥៣នាក់ ។
ក្រសួងបានបញ្ជាក់ថា ចំនួនភ្ញៀវទេសចរប្រមាណជាង៤៥ម៉ឺននាក់ សម្រាប់សប្តាហ៍ដំបូងនៃឆ្នាំ២០២៣នេះ អាចចាត់ទុកថាជាការចាប់ ផ្តើមដ៏ល្អនៃចរន្តភ្ញៀវទេសចរផ្ទៃក្នុងសម្រាប់ឆ្នាំថ្មីនេះ ខណៈដែលអំឡុងពេល ឆ្លងឆ្នាំសាកលកន្លងមកមានភ្ញៀវប្រមាណ ២,០២លាននាក់ បានដើរកម្សាន្តទូទាំងប្រទេស ។
រដ្ឋមន្រ្តីក្រសួងទេសចរណ៍ ឯកឧត្តម ថោង ខុន មានចង្អុលបង្ហាញថា ការប្រារព្ឋ ៧ មករា នៅក្នុង រាជធានី ខេត្ត គឺនាំឲ្យមានលំហូរទេសចរណ៍កាលពីសប្តាហ៍មុន ។
ក្រៅពីនេះ ចំនួនភ្ញៀវទេសចរណ៍ចិនមកកាន់កម្ពុជាគឺត្រូវបានគេរំពឹងទុកថានឹងកើនឡើងក្នុងឆ្នាំនេះ ដោយសារមានការបន្ថូបន្ថយការតឹងរ៉ឹងនៅបេកាំង នេះបើយោងតាមការប៉ាន់ប្រមាណ ដោយកម្ពុជានឹងទទួលភ្ញៀវទេសចរណ៍ប្រហែល ១លាននាក់ពីចិននៅឆ្នាំនេះ។
ក្នុងឆ្នាំ ២០១៩ ភ្ញៀវទេសចរណ៍ចិនប្រមាណជា ២,៣ លាននាក់មកទស្សនាកម្ពុជា គិតជា ៣៥,៧ ភាគរយនៃភ្ញៀវទេសចរណ៍អន្តរជាតិមកដល់ប្រទេសកម្ពុជា។ ភ្ញៀវចិនចូលរួមចំណែកក្នុងការរកប្រាក់ចំណូលប្រមាណជា ១,៨ពាន់លានដុល្លារ ក្នុងចំណោមចំណូលសរុប៥ពាន់លានដុល្លារ ។
ឯកឧត្តមមានប្រសាសន៍ថា៖ « ឧស្សាហកម្មទេសចរណ៍បានស្តារឡើងវិញក្នុងឆ្នាំ២០២២ បើប្រៀបធៀបនឹងឆ្នាំ ២០២១ ភ្ញៀវទេសចរណ៍សរុប ២,២ លាននាក់ និង ភ្ញៀវទេសចរណ៍ក្នុងស្រុកសរុប ១៣លាននាក់នៅប្រទេសកម្ពុជាកាលពី ឆ្នាំមុនដែលជាសញ្ញាវិជ្ជមានក្នុងការអភិវឌ្ឍពីឆ្នាំ ២០២១»។
ធនាគារពិភពលោកបានសង្កេតឃើញថា វិស័យសេវាកម្ម ពិសេសទេសចរន៍ និងការធ្វើដំណើរមានភាពល្អប្រសើរ ចាប់តាំងក្នុងពីការរៀនរស់ជាមួយកូវិត-១៩ នៅចុងឆ្នាំ ២០២១ ធនាគាពិភពលោកបានបានឲ្យដឹងថា អ្នកទេសចរណ៍អន្តរជាតិសរុបមកដល់កម្ពុជាមានកំណើនសេ្ថរភាព និងកើនឡើងដល់ ១,២ លាននាក់ក្នុងរយៈពេល ៩ខែឆ្នាំ ២០២២ ។
ប្រទេសកម្ពុជាត្រូវបានប៉ាន់ប្រមាណទទួលភ្ញៀវទេសចរណ៍អន្តរជាតិសរុបប្រមាណជា ២លាននាក់ក្នុងឆ្នាំ ២០២២ ចំនួនភ្ញៀវទេសចរណ៍ក្នុងស្រុកមានចំនួន១២,៥ ទៅ ១៣ លាននាក់កាលពីឆ្នាំទៅ៕
កសិករហឿន សាវ៉ៃ កំពុងប្រមូលផលដំណាំត្រប់ស្រួយជាលើកដំបូងលក់ទៅកាន់ទីផ្សារ
កីឡាជាតិលើកទី៣ ខេត្តកែបប្រមូលមេដាយបាន៣០គ្រឿង អភិបាលខេត្តចាត់ទុកជាលទ្ធផលប្រសើរ
សម្តេចតេជោ ហ៊ុន សែន អញ្ជើញគោរពវិញ្ញាណក្ខន្ធសពលោកតាឧបាសក ឌី បូ ត្រូវជាឪពុកមារបស់សម្តេច នៅគេហដ្ឋានលេខ៤១-៤៣ ផ្លូវ២៦៥ សង្កាត់ទឹកល្អក់ ៣ ខណ្ឌទួលគោក រាជធានីភ្នំពេញ
កម្មវិធីសម្ពោធសាលាដំណាក់សមត្ថិផលថ្មី ប្រសូតចេញពីការរួមគ្នារបស់ពុទ្ធសាសនិកជន
ពយជំទាវម៉ៅ មានឆ្នេរប្រវែង ១៣ គីឡូម៉ែត្រ កំពុងក្លាយជាគោលដៅទេសចរណ៍ដ៏ទាក់ទាញក្នុងខេត្តព្រះសីហនុ!
