នៅ​ក្នុង​ឆ្នាំ​២០២៣ ​កម្ពុជារំពឹងថា​នឹង​ទទួលបានអ្នកដំណើរតាមជើងហោះហើរកើនដល់​ ៤​លាន​នាក់​

(ភ្នំពេញ)៖ របាយការណ៍ពីរដ្ឋលេខាធិការដ្ឋានអាកាសចរស៊ីវិល (SSCA) បានឱ្យដឹងថា បន្ទាប់ពីរាជរដ្ឋាភិបាលកម្ពុជាបានប្រកាសបើកប្រទេសឡើងវិញក្នុងខែវិច្ឆិកា ឆ្នាំ២០២១ វិស័យអាកាសចរណ៍ស៊ីវិល (ការដឹកជញ្ជូនតាមផ្លូវអាកាស) មានភាពល្អប្រសើរនៅឆ្នាំនេះ ។ឯកឧត្តម ស៊ិន ច័ន្ទសិរីវុត្ថា អនុរដ្ឋលេខាធិការ និងជាអ្នកនាំពាក្យអាកាសចរណ៍ស៊ីវិល បានប្រាប់សារព័ត៌មានថា “គិតត្រឹមដំណាច់ខែធ្នូ ឆ្នាំ២០២២ ក្រុមហ៊ុនអាកាសចរណ៍អន្តរជាតិចំនួន២៧ បានបន្តការហោះហើរក្នុង និងក្រៅប្រទេសកម្ពុជា ឡើងវិញ”  ។

ឯកឧត្តម ចាន់ សិរីវុត្ថា មានប្រសាសន៍ថា “យើងទទួលបានអ្នកដំណើរជាង ២លាននាក់ក្នុងឆ្នាំ ២០២២ កើនឡើងជិត ៩០០ភាគរយ បើ ធៀបនឹងរយៈពេលដូចគ្នាក្នុងឆ្នាំ ២០២១”  ។អ្នកនាំពាក្យអាកាសចរណ៍ស៊ីវិលបានឱ្យដឹងទៀតថា កម្ពុជាទទួលបានជើងហោះហើរជិត ៣០០,០០០ជើង កើនឡើងជាង ២៦០ភាគរយ បើធៀបនឹងរយៈពេលដូចគ្នាក្នុងឆ្នាំ២០២១ ។

ឯកឧត្តមបានមានប្រសាសន៍ទៀតថា នៅឆ្នាំ២០២៣ ចំនួនអ្នកដំណើរតាមផ្លូវអាកាសត្រូវបានគេរំពឹងថានឹងកើនឡើងដល់ ៤លាននាក់ ហើយចំនួនជើងហោះហើរនឹងកើនឡើងដល់ជិត ៣០០,០០០ជើង ។

គេ​រំពឹង​ថា​ផ្លូវហោះ​រវាង​ចិន​និង​កម្ពុជា​នឹង​អាច​ក្លាយ​ជា​ផ្លូវហោះ​នាំ​មុខ​ថ្មី បើគិតត្រឹម ខែមករា ឆ្នាំ២០២៣ ជើងហោះហើររវាងប្រទេស ចិន និងកម្ពុជាមានការរីកចម្រើនគួរឱ្យកត់សម្គាល់ ។កម្ពុជាមានជើងហោះហើររវាងចិន និងកម្ពុជាចំនួន ៣០ដងក្នុងមួយសប្តាហ៍ (កូតាកំណត់ដោយភាគីចិន) ដែលមានន័យថា នឹងមានជើងហោះហើរចំនួន១៥ ដោយក្រុមហ៊ុនអាកាសចរណ៍កម្ពុជាទៅកាន់ប្រទេសចិន និង ១៥ ជើងហោះហើរដោយក្រុមហ៊ុនអាកាសចរណ៍ ចិនមកកម្ពុជា”  ។

ឯកឧត្តមបានបញ្ជាក់​ថា​៖ «​មាន​ក្រុមហ៊ុន​អាកាសចរណ៍​ចិន​ចំនួន​ប្រាំមួយ​ហោះហើរ​ចូល​ និងចេញពីប្រទេស​កម្ពុជា​ពី​គោលដៅ​ចំនួន​ប្រាំពីរ​»​ ៕