Connect with us

ព័ត៌មានជាតិ

ក្រសួង​ពាណិជ្ជកម្ម​ធ្វើយុទ្ធនាការ​ទិញ​ផលិតផល​ខ្មែរ​រដូវ​កាល​ទី​៨​ប្រព្រឹត្តទៅ​ចាប់ពី​ថ្ងៃ​ទី​២​៤​-​២​៧​ ​ខែកុម្ភៈ​ ២០២៣

(សៀមរាប)​៖ ក្រសួង​ពាណិជ្ជកម្ម​ ​នឹង​បន្ត​រៀបចំ​យុទ្ធនាការ​ទិញ​ផលិតផល​ខ្មែរ​រដូវ​កាល​ទី​៨​ ​តាមរយៈ​កា​រដាក់​តាំង​បង្ហាញ​ផលិតផល​ខ្មែរ​ ​និង​បន្លែ​ផ្លែឈើ​លើក​ទី​១​៦​ ​ដែល​នឹង​ប្រព្រឹត្តទៅ​ចាប់​ពី​ថ្ងៃ​ទី​២​៤​-​២​៧​ ​ខែកុម្ភៈ​ ​ឆ្នាំ​២​០​២​៣​ ​នៅ​ក្រុង​សៀមរាប​ ​ខេត្ត​សៀមរាប ​។​

ការរៀបចំ​ព្រឹត្តិការណ៍​នេះ​ ​ក្នុង​គោលបំណង​បង្កើន​សកម្មភាព​ពាណិជ្ជកម្ម​នៅ​មូលដ្ឋាន​ ឱ្យ​មាន​ភាព​ប្រទាក់​ក្រឡា​ពី​កសិដ្ឋាន​មក​ទី​ផ្សារ​ ​ជា​វេទិកា​ផ្គូផ្គង​រវាង​អ្នក​ផលិត​ ​អ្នក​ត្រូវការ​ផលិតផល​យក​ទៅ​ចែក​ចាយ​បន្ត​ ​និង​បំផុស​ស្មារតី​អ្នក​ប្រើប្រាស់​ទូទៅ​ ឱ្យ​ចូលរួម​គាំទ្រ​ ​និង​ប្រើប្រាស់​ផលិតផល​ក្នុង​ស្រុក​ជំនួស​ការ​នាំ​ចូល​ពី​បរទេស​ជា​ជំហាន​ៗ ​។​

ព្រឹត្តិ​ការណ៍​នេះ​ក៏​នឹង​ជំរុញ​សកម្មភាព​ពាណិជ្ជកម្ម​ក្នុង​ស្រុក​ ឱ្យ​មាន​ភាព​រស់រវើក​ ​និង​ឱ្យ​កាន់តែ​ប្រសើរ​ឡើង​នូវ​ការ​ទទួល​ស្គាល់​ ​និង​គាំទ្រ​ផលិតផល​ខ្មែរ​ ​ស្របត​ាម​យុទ្ធ​សា​ស្រ្ត​សមាហរណ​កម្ម​ពាណិជ្ជកម្ម​របស់​​រដ្ឋាភិបាល​កម្ពុជា​ ​ក្នុង​ការ​​លើក​ក​ម្ពស់វិ​ស័​យ​ពាណិជ្ជកម្ម​ ​និង​ការ​អភិ វឌ្ឍ​វិ​ស័​យ​ឯកជន​ ។​

​រដ្ឋលេខាធិការ​ក្រសួង​ពាណិជ្ជកម្ម​ឯកឧត្តម​ ​ឈួន​ ​ដារ៉ា​ ​មាន​ប្រសាសន៍ថា​ ​៖​ ​«​ស្របតាម​យុទ្ឋ​សា​ស្រ្ត​អ​ភ​វិឌ្ឍន៍វិ​ស័យ​ពាណិជ្ជកម្ម​ ​ក្រសួង​រៀប ចំ​យុទ្ឋ​នា​ការ​នេះ​ដើម្បី​ផ្សព្វផ្សាយ​ពី​ផលិតផល​កម្ពុជា​»​ យុទ្ឋ​នា​ការ​នេះ​ដើម្បី​អំពាវនាវ​ឲ្យ​សាធារណជន​គាំទ្រ​ ​និង​ប្រើប្រាស់​ផលិតផល​របស់​ខ្មែរ​ជំនួស​ឲ្យ​ផលិតផល​នាំចូល​»​ ។​

​ឯកឧត្តមមាន​ប្រសាសន៍ថា​៖​ ​«​ យុទ្ឋ​នា​ការ​នេះ​ពង្រឹង​ចង្វាក់​ផលិតកម្ម​ផលិតផល​ក្នុងស្រុក​ ​និង​បង្កើត​ការងារ​ ​ហើយ​ផ្តល់​ចំណេះ​ដឹង​ ​ជំនាញ​ ​និង​បទពិសោធន៍​ដល់​អ្នក​ផលិត​កម្ពុជា​ជាមួយនឹង​គោលបំណង​ជំរុញ​លើក​ទឹក​ចិត្ត​គុណភាព​ផលិត​ ​សុវត្ថិភាព​ ​អនាម័យ​ ​និង​ ​សេ វាកម្ម​ដល់​អ្នក​ប្រើប្រាស់​»​។​

ឯកឧត្តម​ថា​៖​ ​«​ ​ផលិតផល​កម្ពុជា​ចាប់ផ្តើម​លូតលាស់​ ​ហើយ​មាន​វត្តមាន​ដ៏​អស្ចារ្យ​នៅ​លើ​ទី​ផ្សារ​ក្នុងស្រុក​ ​និង​ទី​ផ្សារ​បរទេស​ ​ហើយ​អាច​ប្រកួត​ប្រជែង​ជាមួយ​ផលិតផល​នាំចូល​ ​ដែល​កំពុង​ចរាចរ​លើ​ទី​ផ្សារ​ក្នុង​ស្រុក​ ​ខណៈ​ដែល​កម្ពុជា​កំពុង​អនុវត្ត​ទី​ផ្សារ​សេរី​ ​»​ ។​

​លោក​ ​ភឿន​ ​គឹម​លី​ ​ប្រធានមន្ទីរ​ពាណិជ្ជកម្ម​ខេត្ត​សៀមរាប​ ​មាន​ប្រសាសន៍ថា​៖​ ​«​ ​បន្ទាប់ពី​មាន​វិបត្តិ​ជំងឺ​កូវីដ-១៩ រដ្ឋាភិបាល​លើកទឹកចិត្ត​វិ​ស័​យ​ឯកជន​ ​និង​ ​ពាណិជ្ជករ​ ​ដើម្បី​រៀបចំ​ការ​តាំង​ពិព័រណ៍​នៅ​ខេត្ត​សៀមរាប​» ​។​

​លោកបាន​​​​មានប្រសាសន៍ថា​ យុទ្ឋ​នា​ការ​នេះ​នឹង​ជួយ​ទាក់ទាញ​ភ្ញៀវ​ជាតិ​និង​អន្តរជាតិ​ ​ផលិតករ​​ម្ចាស់​កសិដ្ឋាន​ ​អ្នក​កែច្នៃ​ ​សមាគម​អា ជី វកម្ម​ ​និង​សហគមន៍​ផលិត​បន្លែ​ ​និង​ផ្លែឈើ​ខ្មែរ​ ​ដែល​ត្រូវការ​ស្តង់​ដាក់​តាំង​ផលិតផល​សម្រាប់​ស្វែងរក​ដៃគូ​ពាណិជ្ជកម្ម​ ​ឬ​មាន​គម្រោង​ចុះ​កិច្ចសន្យា​ទិញ​-​លក់​ ​សូម​ទាក់ទង​នាយកដ្ឋាន​កិច្ចការ​ពិព័រណ៍​ ​អគ្គនាយកដ្ឋាន​ជំរុញ​ពាណិជ្ជកម្ម​ ​នៃ​ក្រសួង​ពាណិជ្ជកម្ម​ ​ដែល​មាន​ទី តាំង​ស្ថិតនៅ​ជាន់ទីពីរ​ ​នៃ​អគារ​ទីស្តីការ​ក្រសួង​ពាណិជ្ជកម្ម​ ៕

Click to comment

Leave a Reply

Your email address will not be published. Required fields are marked *

Facebook