ព័ត៌មានជាតិ
សម្តេច ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអនុញ្ញាតឲ្យលោកស្រី Jyosna Puri អនុប្រធានមូលនិធិអន្តរជាតិសម្រាប់អភិវឌ្ឍន៍កសិកម្មចូលជួបសម្តែងការគួរសម
(ភ្នំពេញ)៖ សម្តេច ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអនុញ្ញាតឲ្យលោកស្រី ជីយោស្ណា ពួរីន (Jyosna Puri) អនុប្រ ធានមូលនិធិអន្តរជាតិសម្រាប់អភិវឌ្ឍន៍កសិកម្មចូលជួបសម្តែងការគួរសម និងពិភាក្សាការងារ ដោយក្នុងកិច្ចជំនួបជាមួយ សម្តេច តេជោ ហើយបានបញ្ជាក់ថា កម្ពុជា ផ្តោតការយកចិត្តទុកដាក់ទៅលើការអភិវឌ្ឍន៍វិស័យកសិកម្ម ចង់រក្សាឱ្យអ្នកដើរឆ្លងឲ្យផុតបន្ទាត់ក្រីក្រ ហើយកុំឲ្យធ្លាក់ចុះវិញ ។
តាមការឲ្យដឹងពីឯកឧត្តម អ៊ាង សុផល្លែត ជំនួយការផ្ទាល់សម្ដេចតេជោបានឲ្យដឹងនៅក្រោយជំនួបថា លោកស្រីអនុប្រធានមូលនិធិអន្តរជាតិសម្រាប់អភិវឌ្ឍន៍កសិកម្មបានសំដែងនូវការគោរពចំពោះសម្ដេចតេជោនាយករដ្ឋមន្ត្រី ចំពោះកិច្ចខិតខំប្រឹងប្រែងរបស់សម្ដេចតេជោក្នុងការថែរក្សាសុខសន្តិភាព ស្ថេរភាពសង្គម ជាពិសេសក្នុងគ្រាមានកូវីដ១៩ ដែលក្នុងនោះសម្ដេចតេជោបានដាក់ចេញនូវយុទ្ធសាស្ត្រចាក់វ៉ាក់សាំងជូនដល់ប្រជាពលរដ្ឋ និងទប់ស្កាត់ជំងឺនេះបានយ៉ាងជោគជ័យ ។
លោកស្រីបានមានប្រសាសន៍ទៀតថា សម្ដេច ក៏បានជួយឲ្យប្រជាពលរដ្ឋឆ្លងកាត់បន្ទាត់ក្រីក្រ ជួយក្នុងកិច្ចគាំពារសង្គម ខាងអាហារូប ត្ថម្ភ និងការដាក់ចេញនយោបាយដ៏ល្អ សម្រាប់វិស័យកសិកម្ម និងអភិវឌ្ឍជនបទ ឲ្យមានអ្នកបច្ចេកទេសកសិកម្មនៅតាម ឃុំ តាមជន បទ និងកម្មវិធីស្រោចស្រព នៃវិស័យកសិកម្ម ដើម្បីជំរុញការផលិតកសិផលដែលមានគុណភាពស្របតាមតម្រូវការទីផ្សារ ។
លោកស្រី Jyosna Puri បានគោរពជម្រាបជូនសម្ដេចតេជោថា អង្គការមូលនិធិអន្តរជាតិសម្រាប់វិស័យកសិកម្មសូមសម្ដែងនូវការគោ រព និងគាំទ្រចំពោះកិច្ចខិតខំប្រឹងប្រែងការរក្សាសុខសន្តិភាព ស្ថេរភាពនិងការអភិវឌ្ឍន៍របស់កម្ពុជាលើវិស័យកសិកម្ម ។
លោកស្រីក៏បានគោរពថ្លែងអំណរគុណជួសមុខឱ្យប្រធានមូលនិធិប្រតិភូចូលរួម ចំពោះការបង្កើនវិភាគទានពី៦០ម៉ឺនដុល្លារ ទៅ១លានដុល្លារ សម្រាប់ឆ្នាំ២០២៥ -២០២៨ ហើយបានប្ដេជ្ញាចិត្តបន្តគាំទ្រកម្ពុជា លើវិស័យកសិកម្មឲ្យកាន់តែខ្លាំងក្លាឡើងបន្ថែមទៀត ។
សម្ដេច ហ៊ុន សែន បានមានប្រសាសន៍ថា មូលនិធិអង្គការអន្តរជាតិសម្រាប់វិស័យកសិកម្ម ជាដៃគូល្អ ជាដៃគូដែលមានអាយុកាលជាង ៣០ឆ្នាំមកហើយ ហើយអង្គការនេះមានទស្សនៈដូចគ្នា ។
សម្ដេចតេជោនាយករដ្ឋមន្ត្រីបានមានប្រសាសន៍បន្តទៀតថា កម្ពុជាបានផ្ដោតការយកចិត្តទុកដាក់ទៅលើការអភិវឌ្ឍន៍វិស័យកសិកម្ម និងជនបទ ចង់ធ្វើយ៉ាងណាឱ្យកសិករផលិតហើយទទួលបានផលចំណេញ ចង់រក្សាកុំឱ្យអ្នកដើរឆ្លងផុតបន្ទាត់ក្រីក្រហើយធ្លាក់ចុះទៅវិញ និងចង់ជំរុញឲ្យវិស័យកសិកម្មទៅជាកសិពាណិជ្ជកម្ម និងកសិឧស្សាហកម្ម ។
សម្ដេចតេជោនាយករដ្ឋមន្ត្រីក៏បានសំដែងនៅសេចក្តីរីករាយផ្សារជាថ្មីម្ដងទៀតចំពោះភាពជាដៃគូដ៏ល្អជាមួយអង្គការមូលនិធិអន្តរ ជាតិសម្រាប់វិស័យកសិកម្ម ហើយបានសម្រេចលើការបង្កើនវិភាគទានរបស់កម្ពុជាពី៦០ម៉ឺនដុល្លារ ទៅ១លានដុល្លារ ចាប់ពីឆ្នាំ២០២៥ ដល់ ឆ្នាំ២០២៨ ៕
រដ្ឋមន្រ្តីក្រសួងព័ត៌មាន ស្នើឱ្យអ្នកសារព័ត៌មានជាតិនិងអន្តរជាតិ គួររួមគ្នាបង្កើតក្លឹប អ្នកសារព័ត៌មានមេគង្គ-ឡានឆាង
រដ្ឋមន្រ្ដីក្រសួង ចំនួន៣ រួមគ្នាចុះពិនិត្យតាមដានស្ថានភាពទឹក ហេដ្ឋារចនាសម្ព័ន្ធ និងការងារបង្កបង្កើនផលនៅប្រព័ន្ធធារាសាស្រ្ដវ៉ៃគោ ខេត្តព្រៃវែង
រាជរដ្ឋាភិបាលកម្ពុជា តែងតែផ្តល់ការយកចិត្តទុកដាក់ លើការងារមនុស្សវ័យចាស់ជាអាទិភាពមួយក្នុងចំណោមគោលនយោបាយអាទិភាពនានា
ប្រាសាទព្រះវិហារ ដ៏ល្បីល្បាញជារបស់ខ្មែរ ជាតំណាង «ស្នាដៃឯកដ៏មហាអស្ចារ្យរបស់ស្ថាបត្យកម្មខែ្មរ» ដែលត្រូវតែរួមគ្នាការពារទោះត្រូវលះបង់ក្នុងតម្លៃណាក៏ដោយ
រួមគ្នាលើកស្ទួយប្រាក់រៀលខ្មែរ ដើម្បីសេដ្ឋកិច្ចជាតិរីកចម្រើន
