ព័ត៌មានជាតិ
ជប៉ុនបន្តផ្តល់ជំនួយជាង ៣ លានដុល្លារ រួមចំណែកបញ្ចប់ អំពើហិង្ស នៅកម្ពុជា
យោងតាមសេចក្តីប្រកាសរបស់ស្ថានទូតជប៉ុន ប្រចាំកម្ពុជានៅថ្ងៃទី១៩ ខែមីនា ឆ្នាំ២០២១នេះ បានប្រកាសថា ផ្ដល់ថវិកាចំនួន៣៤០ ០០០ ០០០ យេន (ប្រមាណជា ៣ ០៩០ ៩០៩ ដុល្លារអាម៉េរិក) តាមរយៈអង្គការយូនីសេហ្វ ដើម្បីបញ្ចប់អំពើហិង្សាលើកុមារក្នុងអំឡុងពេលមានជំងឺរាតត្បាតកូវីដ១៩ ក្នុងប្រទេសកម្ពុជា។
បើតាមរបាយការណ៍សកលមួយបានបង្ហាញថា កុមារអាចនឹងមានហានិភ័យខ្ពស់ក្នុងការទទួលរងនូវអំពើហិង្សាដែលបណ្ដាលមកពីជំងឺរាតត្បាតនេះ។ ប្រភពដដែលបញ្ជាក់ថា រាល់ការរឹតត្បិតលើការធ្វើដំណើរ ការបាត់បង់ប្រាក់ចំណូល ភាពឯកោ កន្លែងរស់នៅចង្អៀត កម្រិតខ្ពស់នៃភាពតានតឹង និងជំងឺថប់បារម្ភធ្វើឱ្យមានការកើនឡើងនូវលទ្ធភាពដែលកុមារអាចជួបប្រទះ និងទទួលរងការរំលោភបំពានលើរាងកាយ និងផ្លូវចិត្តនៅផ្ទះ។
ពាក់ព័ន្ធនឹងការផ្ដល់ជំនួយនេះ រដ្ឋាភិបាលជប៉ុន និងអង្គការយូនីសេហ្វ កំពុងចាប់ផ្តើមគម្រោងថ្មីមួយឈ្មោះថា “ការទប់ស្កាត់ និងឆ្លើយតបចំពោះអំពើហិង្សាលើកុមារនៅកម្ពុជា ក្នុងអំឡុងពេលនៃការរាតត្បាតជាសកលនៃជំងឺកូវីដ១៩ និងការស្តារឡើងវិញ”។
ការផ្ដល់ថវិកានេះ ក្នុងគោលបំណងដើម្បីធានាថាកុមារា និងកុមារី នៅកម្ពុជាទទួលបានការការពារពីអំពើហិង្សា ការកេងប្រវ័ញ្ចនិងការរំលោភបំពានក្នុងអំឡុងពេលរាតត្បាតនៃជំងឺកូវីដ១៩ និងការស្តារឡើងវិញ ដើម្បីពង្រឹងសន្តិសុខមនុស្សជាតិ។ នេះបើតាមសេចក្ដីប្រកាសព័ត៌មានរបស់ស្ថានទូតជប៉ុនប្រចាំនៅកម្ពុជា។
គួររម្លឹកថា រដ្ឋាភិបាលជប៉ុន តែងផ្ដល់ជំនួយឥតសំណងដល់កម្ពុជា ដើម្បីស្ដារ និងអភិវឌ្ឍទៅលើវិស័យនានាជាចម្បង៕
សម្តេចតេជោ ហ៊ុន សែន លើកឡើងថា៖ ឆ្នាំ២០២២កន្លងទៅ ថ្ងៃនេះខ្ញុំចេញដំណើរទៅ អង្គការសហប្រជាជាតិ ថ្ងៃនេះនាយករដ្ឋមន្ត្រីថ្មីចេញដំណើរទៅម្តង
ឆ្នាំនេះកម្ពស់ទឹកទន្លេទាបជាងឆ្នាំកន្លងទៅ ប៉ុន្តែបានផ្តល់នូវកត្តាវិជ្ជាមានយ៉ាងច្រើនសម្រាប់វិស័យកសិកម្ម
