សម្តេច តេ ជោ ហ៊ុន សែន ប្រកាស ថា ប្រធានាធិបតី ឡាវ នឹង ចូលរួម ស៊ីហ្គេម នៅ កម្ពុជា

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសថា ឯកឧត្តម ថងលូន ស៊ីសូលីត ប្រធានាធិបតីនៃសាធារណរដ្ឋប្រជាមានិតឡាវ នឹងអញ្ជើញចូលរួមការប្រកួតកីឡាស៊ីហ្គេម ដែលនឹងប្រព្រឹត្តទៅនៅប្រទេសកម្ពុជានាពេលខាងមុខ។

សម្ដេចតេជោ ហ៊ុន សែន ថ្លែងបែបនេះ ក្នុងឱកាសអញ្ជើញជាអធិបតីក្នុងពិធីប្រគល់សញ្ញាបត្រដល់សិក្ខាកាម និងនិស្សិតនៃសាកលវិទ្យាល័យធនធានមនុស្ស ប្រមាណជិត ២ពាន់នាក់ នៅថ្ងៃទី២០ ខែកុម្ភៈ ឆ្នាំ២០២៣ នៅមជ្ឈមណ្ឌលពិព័រណ៍ជ្រោយចង្វារ។

សម្តេចតេជោ បានបន្តការអញ្ជើញ ឯកឧត្តម ថងលូន ស៊ីសូលីត ប្រធានាធិបតីឡាវ ក្នុងជំនួបជាមួយមេដឹកនាំឡាវ នៅថ្ងៃទី១៣ ខែកុម្ភៈ ឆ្នាំ២០២៣ នៅពេលដែលសម្តេចបានដឹកនាំគណៈប្រតិភូជាន់ខ្ពស់កម្ពុជា ទៅបំពេញទស្សនកិច្ចផ្លូវការនៅប្រទេសឡាវ។

សម្តេចនាយករដ្ឋមន្រ្តី ក៏បានថ្លែងអំណរគុណដល់គណៈកម្មាធិការគ្រប់គ្រងកីឡាស៊ីហ្គេម ដែលបានអនុញ្ញាតដោយសម្តេចពិជ័យសេនា ទៀ បាញ់ ឯកឧត្តម ថោង ខុន និងឯកឧត្តម វ៉ាត់ ចំរើន ចំពោះការខិតខំប្រឹងប្រែងរៀបចំការប្រកួតកីឡាស៊ីហ្គេមជាប្រវត្តិសាស្រ្តនេះ ដែលកម្ពុជាអាចចំណាយប្រាក់ចំនួន ១២០ លានដុល្លារដើម្បីធ្វើម្ចាស់ផ្ទះ។

ចំនួនទឹកប្រាក់នេះមិនរាប់បញ្ចូលការសាងសង់ពហុកីឡដ្ឋានជាតិមរតកតេជោនោះទេ។

គិតត្រឹមថ្ងៃទី 20 ខែកុម្ភៈ ឆ្នាំ 2023 នៅសល់តែ 74 ថ្ងៃទៀតប៉ុណ្ណោះសម្រាប់ការប្រកួតកីឡា SEA Games លើកទី 32 និង ASEAN Para Games លើកទី 12 ដែលនឹងត្រូវធ្វើឡើងនៅប្រទេសកម្ពុជា។