កម្មវិធីសម្ពោធសាលាដំណាក់សមត្ថិផលថ្មី ប្រសូតចេញពីការរួមគ្នារបស់ពុទ្ធសាសនិកជន

(សៀមរាប)៖ សមត្ថិផលថ្មី ប្រសូតចេញពីការរួមគ្នារវាងពុទ្ធិចក្រ និងអាណាចក្រ ដើម្បីលើកកំពស់វិស័យការគោរពព្រះសាសនា ក្នុងព្រះរាជាណាចក្រកម្ពុជា។
១ កើត ខែ បុស្ស – មាឃ ឆ្នាំ ខាល ចត្វា​ស័ក ព.ស ២៥៦៦ ត្រូវថ្ងៃ អាទិត្យ ទី ២២ ខែ មករា គ.ស ២០២៣ កម្មវិធីសម្ពោធសាលាដំណាក់ភូមិបឹង ឃុំឬស្សីលក ស្រុកជីក្រែង ខេត្ត សៀមរាប ក្រោមការ​និមន្តជាព្រះគណធិបតី ព្រះគ្រូ សោតសំវរោ លួន ភត់ គ្រូឧបជ្ឃាយ៍គណៈសង្ឃស្រុក ជីក្រែង និងជាព្រះចៅអធិការវត្តខ្សាច់ និង លោក ទី ម៉េង ប្រធានក្រុមប្រឹក្សាឃុំឬស្សីលក ។
ដោយមានការចូលរួមពីអាជ្ញាធរមូលដ្ឋានភូមិ ឃុំ និងប្រជាពលរដ្ឋពុទ្ធបរិស័តជាច្រើននាក់ផងដែរ ។
សាលាដំណាក់នេះ និងក្លាយជាទីកន្លែងងាយស្រួលមួយ ផ្ដល់នូវផលប្រយោជន៍ជាច្រើន ដល់សាធារណៈជនគ្រប់ទិស ទី ជាពិសេសអ្នកភូមិបឹង ឃុំឬស្សីលក ស្រុកជីក្រែង ខេត្តសៀមរាប ។ សូមគោរពបួងសួង អស់វត្ថុស័ក្កសិទ្ធក្នុងលោក ចម្រើនពរជូនព្រះតេជគុណ មានសុខមាភាពល្អបរិបូរណ៍ ៕