Connect with us

ព័ត៌មានទាន់ហេតុការណ៍

យោធាមីយ៉ាន់ម៉ាបន្តបង្ក្រាបបាតុករ ហើយចាប់ផ្តើម ចង់ពង្រឹងទំនាក់ទំនងជិតស្និទ្ធជាមួយប្រទេសជិតខាង

មេដឹកនាំយោធាមីយ៉ាន់ម៉ានិយាយថា ពួកគេចង់ពង្រឹងទំនាក់ទំនងជាមួយប្រទេសជិតខាងចំនួន ៥ រួមទាំងប្រទេសចិនផងដែរ ។

ធាមីយ៉ាន់ម៉ានៅតែរឹងទទឹង ហើយកំពុងប្រឈមនឹងសម្ពាធពីសហរដ្ឋអាមេរិក និងសហភាពអ៊ឺរ៉ុប (EU) ដែលប្រទេសទាំងពីរបានដាក់ទណ្ឌកម្មលើមន្រ្តីនៃប្រជាជាតិអាស៊ីអាគ្នេយ៍មួយនេះទាក់ទងនឹងការបង្ក្រាបបាតុករដែលគាំទ្រលទ្ធិប្រជាធិបតេយ្យ ។

យោធាកំពុងបង្ក្រាបក្រុមបាតុករក្នុងលក្ខណៈឃោរឃៅកាន់តែខ្លាំងឡើងៗ ។ ក្រុមសិទ្ធិមនុស្សនៅក្នុងប្រទេសនិយាយថា យ៉ាងហោចណាស់មានមនុស្សចំនួន ២៦១ នាក់ត្រូវបានសម្លាប់ដោយកងកម្លាំងសន្តិសុខរបស់ប្រទេសនេះ ។

កាលពីថ្ងៃចន្ទសហរដ្ឋអាមេរិក និងសហភាពអឺរ៉ុបបានប្រកាសបង្កកទ្រព្យសម្បត្តិសម្រាប់បុគ្គលមួយចំនួនរាប់បញ្ចូលទាំងផ្នែកខ្លះទាក់ទងនឹងយោធាផងដែរ ។

ទន្ទឹមនោះកាលពីថ្ងៃអង្គារលោក Zaw Min Tun អ្នកនាំពាក្យនៃក្រុមប្រឹក្សារដ្ឋបាលរដ្ឋដែលត្រូវបានបង្កើតឡើងដោយយោធា បន្ទាប់ពីរដ្ឋប្រហារបានធ្វើសន្និសិទកាសែតទាក់ទងនឹងបញ្ហានេះ ។

លោកបាននិយាយថា អ្នកស្លាប់គឺអកុសលណាស់ ប៉ុន្តែបានអះអាងថា ក្រុមអ្នកតវ៉ាដែលបានធ្វើសកម្មភាពបំផ្លិចបំផ្លាញម្តងហើយម្តងទៀតគឺប្រឈមនឹងការស្តីបន្ទោស ។ លោកបានស្នើថា យោធានឹងបន្តរឹតត្បិតការប្រើអ៊ីនធឺណិត និងវិធានការផ្សេងទៀតដែលត្រូវបានរៀបចំឡើងដើម្បីរក្សាការធ្វើបាតុកម្ម ។

អ្នកនាំពាក្យរូបនេះបាននិយាយថា រដ្ឋបាលយោធាមានគោលបំណងពង្រឹងទំនាក់ទំនងជាមួយប្រទេសជិតខាងចំនួន ៥ រួមទាំងប្រទេសចិន និងបង្ហាញពីតម្លៃរួមរបស់ពួកគេ ។ លោកបានសង្កត់ធ្ងន់លើការប្តេជ្ញាចិត្តរបស់ថ្នាក់ដឹកនាំក្នុងការរក្សាជំហររបស់ខ្លួននៅចំពោះមុខសម្ពាធពីសហរដ្ឋអាមេរិក និងសហភាពអឺរ៉ុប ៕

 

https://1.bp.blogspot.com/-zi3G4Eb2LvQ/YFq8fSKcQAI/AAAAAAAAJgk/B7MvqaNwwwUJcnUDx27vUhabiFon2qqKwCLcBGAsYHQ/s855/leader.jpg

 

Click to comment

Leave a Reply

Your email address will not be published.

Facebook