សម្តេច តេ ជោ ហ៊ុន សែន ប្រាប់ អតីត អនុ ប្រធានាធិបតី ឥណ្ឌូណេស៊ី ថា សាសនា នៅ កម្ពុជា មាន ភាព ចុះសម្រុង គ្នា ខ្លាំង

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានប្រាប់លោក Jusuf Kalla អតីតអនុប្រធានាធិបតីឥណ្ឌូនេស៊ី និងជាប្រធានអង្គការប្រជាធិបតេយ្យអាស៊ីកណ្តាល ប៉ាស៊ីហ្វិកអន្តរជាតិ (CAPDI) ថា វិស័យសាសនានៅកម្ពុជាពិតជាមាន គ្មានថ្នេរ។

សម្តេច តេ ជោ ហ៊ុន សែន បាន ថ្លែង បែបនេះ នៅពេល សម្តេច បានទទួល ជួប លោក Jusuf Kalla និង គណៈប្រតិភូ នៅ វិមាន សន្តិភាព កាលពី ថ្ងៃទី ៣០ ខែមីនា ឆ្នាំ ២០២៣ ។

ឯកឧត្តម អ៊ាង សុផល្លែត ជំនួយការផ្ទាល់របស់សម្ដេចតេជោ ហ៊ុន សែន មានប្រសាសន៍ថា ក្នុងជំនួបនោះ លោក Jusuf បានសម្តែងនូវការគោរពចំពោះសម្តេចតេជោ ចំពោះការដឹកនាំដ៏ឈ្លាសវៃរបស់សម្តេច ដែលបាននាំមកនូវសុខសន្តិភាព និងសុខដុមរមនាខាងសាសនាដល់កម្ពុជា។ សម្តេចក៏បានជម្រាបជូនសម្តេចតេជោថា សម្តេចបាននាំសាសនិកឥស្លាមជាង១០០នាក់ ចូលរួមពិធីបុណ្យអាហារខែរ៉ាម៉ាឌនលើកទី៧របស់ឥស្លាមកម្ពុជា នៅមជ្ឈមណ្ឌលសន្និបាត និងពិព័រណ៍ជ្រោយចង្វារ។

សម្តេចតេជោនាយករដ្ឋមន្ត្រី បានថ្លែងអំណរគុណចំពោះលោក Jusuf Kalla ដែលបានដឹកនាំបងប្អូនឥស្លាមចូលរួមក្នុងពិធីបុណ្យអាហាររ៉ាម៉ាដាននៅកម្ពុជា។ សម្តេចតេជោ បានជម្រាបជូនលោក Jusuf ថា កម្ពុជារៀបចំកម្មវិធីនេះជារៀងរាល់ឆ្នាំ ហើយសាសនានៅកម្ពុជាមានភាពចុះសម្រុងគ្នាយ៉ាងខ្លាំងរវាងសាសនាឥស្លាម គ្រឹស្ត និងព្រះពុទ្ធសាសនា។