មីយ៉ាន់ម៉ានឹងបន្តរៀបចំពិធីបុណ្យអុំទូកនៅរមណីយដ្ឋានទេសចរណ៍

អន្តរជាតិ៖ កាលពីថ្ងៃពុធមន្ត្រីមកពីនាយកដ្ឋានសណ្ឋាគារ និងទេស ចរណ៍រដ្ឋសានបាននិយាយថា មីយ៉ាន់ម៉ានឹងបន្តពិធីបុណ្យអុំទូកនៅបឹង Inle ដែលជាតំបន់ទេសចរណ៍ក្នុងរដ្ឋ Shan បន្ទាប់ពីការផ្អាករយៈពេលបីឆ្នាំដោយសារជំងឺរាតត្បាតកូវីដ-១៩។

នេះបើយោងតាមការចេញផ្សាយដោយសារព័ត៌មាន Xinhua នៅថ្ងៃទី៣០ ខែមីនា។
ពិធីបុណ្យអុំទូក បណ្តែតប្រទីប អកអំបុក និងសំពះព្រះខែ នឹងប្រារព្ធឡើងចាប់ពីថ្ងៃទី ១៣ ដល់ថ្ងៃទី ១៦ ខែមេសា នៅភូមិ Nan Pan សង្កាត់ Nyaungshwe ក្នុងស្រុក Taunggyi នៃរដ្ឋ Shan។

លោក U Htin Aung Naing នាយកនៃអគ្គនាយកដ្ឋានសណ្ឋាគារ និងទេសចរណ៍រដ្ឋ Shan បានប្រាប់ស៊ីនហួថា “លក្ខណៈពិសេសប្លែកនៃពិធីបុណ្យអុំទូកគឺការបាញ់ទឹកឱ្យគ្នាទៅវិញទៅមកនៅក្នុងទូក” ។ លោកបានមានប្រសាសន៍ថា

ការប្រារព្ធពិធីរយៈពេលបួនថ្ងៃនេះគឺក្នុងគោលបំណងបង្កើនចំនួនភ្ញៀវទេសចរនៅក្នុងតំបន់ Inle និងផ្សព្វផ្សាយពិធីបុណ្យអុំទូកប្រពៃណី។ លោកបានបន្ថែមថា វានឹងមានកម្មវិធីកម្សាន្តរបស់សិល្បករល្បីៗ និងក្រុមរាំក្នុងស្រុក ហើយអាហារសប្បុរសធម៌ក៏នឹងត្រូវបានបម្រើក្នុងពិធីបុណ្យផងដែរ៕