ប្រទេសវៀតណាមគ្រោងនឹងមិនមានការកាត់បន្ថយពន្ធលើតម្លៃ បន្ថែមសម្រាប់វិស័យធនាគារ និងវិស័យអចលនទ្រព្រ

អន្តរជាតិ៖ កាសែតអនឡាញ VnExpress បានរាយការណ៍ថា ខណៈដែលប្រទេសវៀតណាមបានត្រៀមខ្លួនរួចជាស្រេចក្នុងការពង្រីកការកាត់បន្ថយពន្ធលើតម្លៃបន្ថែម (VAT) ក្នុងការផ្លាស់ប្តូរមួយដើម្បីជំរុញសេដ្ឋកិច្ច ដោយសមាជិក សភានឹងមិនគាំទ្រការកាត់បន្ថយសម្រាប់វិស័យធនាគារ មូលបត្រ អចលនទ្រព្យ និងធានារ៉ាប់រងនោះទេ។ នេះបើយោងតាមការចុះផ្សាយរបស់សារព័ត៌មាន Xinhua។

បើយោងតាមសមាគមអចលនទ្រព្យជាតិវៀតណាម គណៈកម្មាធិការអចិន្ត្រៃយ៍នៃរដ្ឋសភា ដែលជាគណៈកម្មាធិការសំខាន់នៃសភាវៀតណាមបានប្រាប់កិច្ចប្រជុំកាលពីចុងសប្តាហ៍មុនថា សំណើរបស់រដ្ឋាភិបាលក្នុងការបញ្ចុះពន្ធលើតម្លៃបន្ថែមពី ៨ ភាគរយពី ១០ ភាគរយនឹងរួមបញ្ចូលទំនិញ និងសេវាកម្មទាំងអស់ ប៉ុន្តែមិនរាប់បញ្ចូលវិស័យធនាគារ និងអចលនទ្រព្យក្នុងចំណោមវិស័យផ្សេងៗទៀតទេ។

ទីផ្សារអចលនទ្រព្យបានរួមចំណែកប្រហែល ១៥ ភាគរយនៃផលិតផលក្នុងស្រុកសរុបរបស់ប្រទេសវៀតណាម ហើយជាកំណើនដែលអូសបន្លាយចាប់តាំងពីឆ្នាំមុន ក្នុងពេលមានកង្វះប្រាក់កម្ចី អត្រាការប្រាក់ខ្ពស់ និងទីផ្សារសញ្ញាប័ណ្ណសាជីវកម្មជាប់គាំង។ រដ្ឋាភិបាល វៀតណាម បាន ចាត់ វិធានការ ជា ច្រើន ដើម្បី ស្តារ វិស័យ អចលន ទ្រព្យ។ ទោះជាយ៉ាងណាក៏ដោយ អ្នកជំនាញខាងឧស្សាហកម្មបានព្យាករណ៍ថា ទីផ្សារនឹងនៅមានការធ្លាក់ចុះរហូតដល់ចុងឆ្នាំ ២០២៤៕