ព័ត៌មានទាន់ហេតុការណ៍
លោកមេតវេដេវព្រមានថា “មហន្តរាយនុយក្លេអ៊ែរ” ទំនងកើតឡើងបើលោកខាងលិចបន្តផ្គត់ផ្គង់អាវុធកាន់តែសាហាវនោះ
មនុស្សជំនិតរូបរបស់លោកពូទីនបានព្រមានថា “មហន្តរាយនុយក្លេអ៊ែរ” នឹងកាន់តែទំនងកើតឡើងប្រសិនបើលោកខាងលិចបន្តផ្គត់ផ្គង់ដល់អ៊ុយក្រែនជាមួយនឹងអាវុធកាន់តែសាហាវនោះ
លោក ឌីមីទ្រី មេតវេដេវ (Dmitry Medvedev)អតីតប្រធានាធិបតីរុស្ស៊ី បានធ្វើការកត់សម្គាល់យ៉ាងក្តៅគគុកបែបនេះ បន្ទាប់ពីប្រធានាធិបតីអាម៉េរិក ចូ បៃដិន បាននិយាយថា លោកនឹងគាំទ្រកិច្ចខិតខំប្រឹង
ប្រែងរួមគ្នាដើម្បីបណ្តុះបណ្តាលអ្នកបើកយន្តហោះអ៊ុយក្រែនឱ្យចេះបើកយន្តហោះចម្បាំង F-16។
រុស្ស៊ី ដែលមានអាវុធនុយក្លេអ៊ែរច្រើនជាងរដ្ឋដទៃទៀត បាននិយាយម្តងហើយម្តងទៀតថា លោកខាងលិចកំពុងចូលរួមក្នុងសង្គ្រាមប្រូកស៊ី(តំណាង)ជាមួយរុស្ស៊ីនៅអ៊ុយក្រែន ដែលអាចប្រែទៅជាជម្លោះកាន់តែធំ។
សហរដ្ឋអាម៉េរិកបានផ្តល់ជំនួយសន្តិសុខចំនួន ៣៧ ពាន់លានដុល្លារដល់អ៊ុយក្រែនចាប់តាំងពីលោកពូទីនបានបញ្ជូនទាហានចូលទៅក្នុងប្រទេសអ៊ុយក្រែនកាលពីខែកុម្ភៈឆ្នាំមុន។
លោកមេតវេដេវបាននិយាយទាំងកំហឹងដាក់លោកខាងលិច ថា “អាវុធកាន់តែច្រើនត្រូវបានផ្គត់ផ្គង់ ពិភពលោកនឹងកាន់តែមានគ្រោះថ្នាក់ខ្លាំងឡើង”។
លោកមេតវេដេវត្រូវបានដកស្រង់សម្តី ដោយនិយាយថា “ហើយការដែលអាវុធទាំងនោះកាន់តែសាហាវឡើង សេណារីយ៉ូកាន់តែទំនងជាក្លាយទៅជាអ្វីដែលគេនិយមហៅថាមហន្តរាយនុយក្លេអ៊ែរ”៕
ឯកឧត្តមបណ្ឌិត ហ៊ុន ម៉ាណែត អញ្ជើញជាអធិបតីភាព ក្នុងពិធីបុណ្យបញ្ចុះខណ្ឌសីមា ពុទ្ធាភិសេក និងសម្ពោធឆ្លងសមិទ្ធផលនានា ក្នុងវត្តមុនីរង្សី (ហៅវត្តថ្មី) ស្ថិតនៅភូមិស្នោ ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ
លោកឧត្តមសេនីយ Prayut Chan-o-cha មានប្រសាសន៍ថា គណបក្ស Move Forward Party (MFP) មិនគួរដើរចេញពីជួរដោយជួបតំណាងភ្នាក់ងាររដ្ឋាភិបាលទេ
ការនាំចេញរបស់ប្រទេសថៃបានធ្លាក់ចុះបន្ថែមទៀតនៅក្នុងខែមេសា
កម្មវិធីសម្ពោធសាលាដំណាក់សមត្ថិផលថ្មី ប្រសូតចេញពីការរួមគ្នារបស់ពុទ្ធសាសនិកជន
នំបញ្ចុកសៀមរាប ផលិតឡើងតាមរូបមន្តពីបុរាណរបស់អ្នកឃុំព្រះដាក់ ត្រៀមចុះបញ្ជីម៉ាកសមូហភាព ដើម្បីលើកកម្ពស់ភាពប្រកួតប្រជែងនៅលើទីផ្សារ
