Connect with us

ព័ត៌មានជាតិ

២០២០ កម្ពុជាចំណាយទឹកប្រាក់ ជាង៣០០លានដុល្លារ នាំចូលជីកសិកម្ម

ភ្នំពេញ៖ យោងតាម​ទិន្នន័យ​របស់ក្រសួង​ពាណិជ្ជកម្ម កាលពីពេលថ្មីៗនេះ បានបញ្ជាក់ថា កាលពីឆ្នាំ២០២០ កម្ពុជាបានចំណាយទឹកប្រាក់ ចំនួនប្រមាណជាង ៣៣០ លាន​ដុល្លារ សម្រាប់ចំណាយ លើការនាំចូលជី​កសិកម្ម (ថ្នាំ​សម្លាប់​សត្វល្អិត និង​ស្មៅ)។

តាមទិន្នន័យ​បានបញ្ជាក់បន្ថែមថា ខណៈ​វិស័យ​កសិកម្ម​កំពុង​មាន​វឌ្ឍនភាព​ជា​បន្តបន្ទាប់ ការនាំ​ចូល​ជី​កសិកម្ម ថ្នាំ​សម្លាប់​សត្វល្អិត និង​ស្មៅ​សម្រាប់​ប្រើប្រាស់​ក្នុង​វិស័យ​កសិកម្ម ​ក៏បាន​កើនឡើង​ផងដែរ ដោយ​ក្នុង​ឆ្នាំ ២០២០ ការ​នាំចូល​ផលិតផល​ទាំងអស់នេះ​ មាន​ទឹកប្រាក់​សរុប ៣២៧,៥៧ លាន​ដុល្លារ កើនឡើង ១,២៥ %បើ​ធៀប​នឹងរយៈពេលដូចគ្នា​ឆ្នាំ២០១៩ ដែលមានត្រឹម ៣២៣,៥៤ លាន​ដុល្លារតែប៉ុណ្ណោះ។

ដោយឡែក យោងតាម​ក្រសួង​កសិកម្ម រុក្ខាប្រមាញ់ និង​នេសាទ ដើម្បី​លើកកម្ពស់​ការយល់ដឹង​ ការប្រើប្រាស់​ថ្នាំ​កសិកម្ម និង​ជី​កសិកម្ម​ ឱ្យ​បាន​ត្រឹមត្រូវ​តាម​លក្ខណៈ​បច្ចេកទេស នាយកដ្ឋាន​នីតិកម្ម​កសិកម្ម តែង​ចុះ​ផ្សព្វផ្សាយ និង​ណែនាំ​ជាប្រចាំ​ទៅដល់​អាជ្ញាធរ​ពាក់ព័ន្ធ អ្នកលក់ និង​ប្រជាកសិករ​ពី​គុណសម្បត្តិ និង​គុណវិបត្តិ​នៃ​ការប្រើប្រាស់​ថ្នាំ និង​ជី​កសិកម្ម​ជាប្រចាំ។

របាយការណ៍​ក្រសួង​កសិកម្ម បានឲ្យ​បញ្ជាក់ថា ក្នុង​ឆ្នាំ ២០២០ កម្ពុជា​បាន​នាំចេញ​ផលិតផល​កសិកម្ម​ក្មុង​តម្លៃ​សរុប ៤,៣៧ ពាន់​លាន​ដុល្លារ បើធៀបរយៈពេលដូចគ្នាឆ្នាំ២០១៩ ចំនួនកើនលើស៥០០ លាន​ដុល្លារ៕

Click to comment

Leave a Reply

Your email address will not be published.

Facebook