ព័ត៌មានជាតិ
លោកឃួង ស្រេង និយាយថា បើយើងដឹងថា បើបើកផ្សារទៅហើយ ធ្វើឲ្យឆ្លងរាលដាលកូវីដ១៩ គឺយើងមិនអាចធ្វើបានទេ
ភ្នំពេញ៖ អភិបាលរាជធានីភ្នំពេញ ឯកឧត្តមឃួង ស្រេង បានលើកឡើងថា បើយើងដឹងថា បើកផ្សារទៅហើយ ធ្វើឲ្យមានការរីករាលដាលឆ្លងជំងឺកូវីដ១៩ និងបណ្តាលឲ្យមានមនុស្សស្លាប់ គឺយើងមិនអាចបន្តបើកផ្សារទៀតនោះទេ គឺសុខចិត្តនៅលំបាកមួយរយៈពេលសិនបន្តទៀត។
ក្នុងកិច្ចប្រជុំ បន្ទាន់មួយ នាព្រឹកថ្ងៃទី២២ ខែឧសភា ឆ្នាំ២០២១ ឯកឧត្តមឃួង ស្រេង បានថ្លែងថា ការដាក់ឲ្យដំណើរការឡើងវិញ គឺសំរាប់តែផ្សាររដ្ឋ ឬផ្សាររៀបរយ។ ចំពោះផ្សារមិនរៀបរយមិនមានការ គ្រប់គ្រងច្បាស់លាស់ គឺមិនអនុញ្ញាតិឲ្យបើកទេ។ បំរាមគោចរណ៍ក្នុងតំបន់លឿង ត្រូវបានបញ្ចប់។ គ្រប់ទីផ្សារ ភោជនីយដ្ឋាន អាហារដ្ឋាន តូបលក់អាហារ ហាងកាហ្វេ ហាងភេសជ្ជៈ និងអាជីវកម្មដ្ឋានផ្នែកអាហារ ភេសជ្ជៈគ្រប់ប្រភេទ អាចដំណើរការអាជីវកម្មជាប្រក្រតី និងអាចទទួលអតិថិជនឲ្យចូលមកទទួលទានក្នុង ក្នុងបរិវេណអាជីវកម្មដ្ឋានឡើងវិញ និងបញ្ចប់ការផ្អាកលក់គ្រឿងស្រវឹងគ្រប់ប្រភេទ ក្នុងមូលដ្ឋានរាជធានីភ្នំពេញ។
ឯកឧត្តមឃួង ស្រេងបន្តថា តែសកម្មភាពទាំងអស់ខាងលើ ត្រូវអនុវត្តវិធានការសុវត្ថិភាពផ្នែកសុខាភិបាលឲ្យបានម៉ឺងម៉ាត់ ពិសេសអនុវត្តវិធានការ៣កុំ៣ការពារ របស់សម្តេចអគ្គមហាសេនាបតីតេជោហ៊ុន សែន។ ចំពោះសកម្មភាព ការងារ មុខរបរនិងអាជីវកម្មក្លឹបកំសាន្តគ្រប់ប្រភេទ ជាអាទិ៍ខារ៉ាអូខេ រង្គសាល ឌីស្កូតែក និងបៀហ្គាដិន អាជីវកម្មម៉ាស្សា កាស៊ីណូ រោងភាពយន្ត រោងសំដែងសិល្បៈ សារមន្ទីរ ក្លឹបហាត់ប្រាណនិងមជ្ឈមណ្ឌលកីឡា ព្រមទាំងអាជីវកម្ម សេវាផ្សេងទៀត ដែលមិនទាន់មានគោលការណ៍អនុញ្ញាតដូចក្នុងប្រការ១ នៃសេចក្តីសម្រេចនេះ ត្រូវបន្តផ្អាកដំណើរការជាបណ្តោះអាសន្តរហូតដល់មានការសម្រេចជាថ្មី។
ជាមួយគ្នានោះ ចំពោះបញ្ហាបើកផ្សារឡើងវិញ ឯកឧត្តមអភិបាលរាជធានីភ្នំពេញ បានបញ្ជាក់ថា “បើយើងដឹងថា បើកផ្សារទៅហើយធ្វើឲ្យរាលដាលជំងឺកូវីដ១៩ និងបណ្តាលឲ្យមនុស្សស្លាប់ គឺយើងមិនអាចធ្វើបានទេ សុខចិត្តនៅលំបាកមួយ រយៈពេលសិនដោយមិនប្រថុយប្រថាន បើកច្រកមរណៈនោះទេ ដើម្បីយើងបានក្តីសុខទាំងអស់គ្នា”។
ឯកឧតមបន្ថែមថា ម្យ៉ាងទៀត គណៈគ្រប់គ្រងផ្សារទាំងអស់ក្នុងរាជធានីភ្នំពេញ ត្រូវតែម៉ត់ចត់ ច្បាស់លាស់ តាមគោលការណ៍ណែនាំ។
ស្របពេលជាមួយគ្នានេះដែរ ឯកឧត្តម ឃួងស្រេង ក៏បានណែនាំឲ្យគណៈកម្មការគ្រប់គ្រងផ្សារទូទាំងរាជធានីភ្នំពេញ ត្រូវដាក់ម៉ាស៊ីនវ៉ាស់កំដៅ បាញ់អាលកុល ពាក់ម៉ាស់ និងត្រូវដាក់មេក្រូបំពងសំឡេងតាមមាត់ច្រកចេញចូលផ្សារ និងផ្សព្វផ្សាយសារអប់រំ ពីការការពារការឆ្លងរាលដាលដ៏សាហាវ នៃជំងឺកូវីដ១៩។
សូមបញ្ជាក់ថា រដ្ឋបាលរាជធានីភ្នំពេញ នឹងដកពិសោធន៍វាយតំលៃ ពិចារណាលើការ បន្តបើកផ្សារមិនរៀបរយ នៅដំណាក់កាលក្រោយទៀតផងដែរ៕
កសិករហឿន សាវ៉ៃ កំពុងប្រមូលផលដំណាំត្រប់ស្រួយជាលើកដំបូងលក់ទៅកាន់ទីផ្សារ
កីឡាជាតិលើកទី៣ ខេត្តកែបប្រមូលមេដាយបាន៣០គ្រឿង អភិបាលខេត្តចាត់ទុកជាលទ្ធផលប្រសើរ
សម្តេចតេជោ ហ៊ុន សែន អញ្ជើញគោរពវិញ្ញាណក្ខន្ធសពលោកតាឧបាសក ឌី បូ ត្រូវជាឪពុកមារបស់សម្តេច នៅគេហដ្ឋានលេខ៤១-៤៣ ផ្លូវ២៦៥ សង្កាត់ទឹកល្អក់ ៣ ខណ្ឌទួលគោក រាជធានីភ្នំពេញ
កម្មវិធីសម្ពោធសាលាដំណាក់សមត្ថិផលថ្មី ប្រសូតចេញពីការរួមគ្នារបស់ពុទ្ធសាសនិកជន
ពយជំទាវម៉ៅ មានឆ្នេរប្រវែង ១៣ គីឡូម៉ែត្រ កំពុងក្លាយជាគោលដៅទេសចរណ៍ដ៏ទាក់ទាញក្នុងខេត្តព្រះសីហនុ!
