Connect with us

ព័ត៌មានជាតិ

ប្រជាពលរដ្ឋ​ផ្ទុះ​ការ​តវ៉ា ​ខណៈ​អាជ្ញាធរ​យក​រនាំង​ដែក​បិទ​ខ្ទប់ ច្រកចេញចូលមួយកន្លែង ក្រោយ​រក​ឃើញ​កូ​វី​ដ

​រាជធានីភ្នំពេញ៖ នៅ​វេលា​ម៉ោងជាង​១០​​ព្រឹក ​ថ្ងៃ​ទី​២៤ ខែឧសភា​នេះ មាន​ប្រជាជន​នៅ​តំបន់​មិន​រៀបរយ ក្រុម​១៤ និង​១៥ នៅ​ផ្សារ​តូច សង្កាត់​ទួល​សង្កែ បាន​នាំ​គ្នា​ផ្ទុះ​ការ​តវ៉ាប្រុង​ចេញពី​តំបន់​សហគមន៍ ខណៈ​អាជ្ញាធរ​ដាក់​រនាំង​ដែក​បិទ​ខ្ទប់ ក្រោយ​ពី​រក​ឃើញ​អ្នក​កើត​កូ​វី​ដ​១៩ ជាង​២០០​នាក់ ។

ការ​ផ្ទុះ​ការ​តវ៉ា​ខាងលើ​នៅ​ចំនុច​ជាប់​ប៉ុស្តិ៍​សង្កាត់​ទួល​សង្កែ​១ ខណ្ឌ​ឬ​ស្សី​កែវ នៅ​ផ្លូវជាតិ​លេខ​៥ ។​ គួរ​បញ្ជាក់​ថា នៅ​រយៈពេល​២​ថ្ងៃនេះ ២​សហគមន៍ នៅ​ក្រុម​ទី​១៥ និង​១៤ ក្នុងភូមិ​ផ្សារ​តូច សង្កាត់​ទួល​សង្កែ​១ ខណ្ឌ​ឬ​ស្សី​កែវ​ចំណុច​ខាងលើ​នេះ គឺ​ធ្វើតេស្ត​រក​ឃើញ មាន​វិជ្ជមាន​កូ​វី​ដ​១៩ ចំនួន​២០៥​នាក់ ។

បន្ទាប់​ពី​រក​ឃើញ​វិជ្ជមាន​កូ​វី​ដ ជា​ច្រើន​ខាងលើ កម្លាំង​សមត្ថកិច្ច​ក៏​ដូច​ជា អាជ្ញាធរ​បាន​បិទ​ខ្ទប់ តំបន់​មិន​រៀបរយ​ខាងលើ​នេះ​ទាំង មូល ។ លុះដល់​ព្រឹក​មិ​ញ​នេះ​ទើប​មានការ​តវ៉ា ដោយសារ​តែ​បងប្អូន​ប្រជាពលរដ្ឋ​ចង់​ចេញពី​តំបន់​បិទ​ខ្ទប់​ខាងលើ ហើយ​អាជ្ញាធរ​មានការ​ព្រួយបារម្ភ ខ្លាច​មាន​ហានិភ័យ​ឆ្លង​ទៅ​តំបន់​ផ្សេង​ៗ​ទៀត ៕

Click to comment

Leave a Reply

Your email address will not be published.

Facebook