ព័ត៌មានទាន់ហេតុការណ៍
អ៊ីស្រាអែលថ្កោលទោសប្រធានាធិបតីជាប់ឆ្នោតថ្មីរបស់អ៊ីរ៉ង់
បរទេស ៖ រដ្ឋមន្ត្រីការបរទេសអ៊ីស្រាអែលលោក Yair Lapid បានថ្កោលទោសប្រធានាធិបតីជាប់ឆ្នោតថ្មីរបស់អ៊ីរ៉ង់លោក Ebrahim Raisi ដោយនិយាយថា លោកប្តេជ្ញាចំពោះមហិច្ឆតានុយក្លេអ៊ែររបស់របបនេះ និងយុទ្ធនាការភេរវកម្មពិភពលោក ។
លោក Ebrahim Raisi គឺជាអ្នកប្រាជ្ញច្បាប់ និងជាប្រធានតុលាការឥស្លាមអភិរក្ស បានទទួលជ័យជម្នះនៅក្នុងការបោះឆ្នោតប្រធានាធិបតីអ៊ីរ៉ង់កាលពីថ្ងៃសុក្រ ដោយមានសំឡេងឆ្នោតប្រហែល ៦២ ភាគរយ ។
លោក Lapid បាននិយាយនៅលើបណ្តាញសង្គម Twitter កាលពីថ្ងៃសៅរ៍ថា លោក Raisi គឺជាអ្នកជ្រុលនិយមដែលទទួលខុសត្រូវ ចំពោះការស្លាប់របស់ប្រជាជនអ៊ីរ៉ង់រាប់ពាន់នាក់ ។ តាមពិតគាត់សំដៅទៅលើការអះអាងរបស់អ៊ីស្រាអែលដែលថា លោក Raisi បានចូលរួមក្នុងការបង្ក្រាបក្រុមប្រឆាំង ។
លោក Lapid បានបន្ថែមថា ការបោះឆ្នោតរបស់លោក Raisi គួរតែជំរុញការប្តេជ្ញាចិត្តជាថ្មី ដើម្បីបញ្ឈប់កម្មវិធីនុយក្លេអ៊ែរអ៊ីរ៉ង់ជាបន្ទាន់ និងបញ្ចប់នូវមហិច្ឆិតាក្នុងតំបន់ដែលកំពុងបង្កការអន្តរាយ ខណៈ អ៊ីស្រាអែលមើលឃើញថា កិច្ចព្រមព្រៀងនុយក្លេអ៊ែរមិនគ្រប់គ្រាន់ ដើម្បីបញ្ឈប់កម្មវិធីនុយក្លេអ៊ែរអ៊ីរ៉ង់នោះទេ។
យ៉ាងណាមិញ រឿងរាវនេះ នាយករដ្ឋមន្ត្រីអ៊ីស្រាអែលលោក Naftali Bennett ដែលបានចូលកាន់តំណែងនៅខែនេះ បាននិយាយនៅក្នុងសុន្ទរកថាមួយថា អ៊ីស្រាអែលនឹងមិនអនុញ្ញាតឱ្យអ៊ីរ៉ង់ទទួលបានអាវុធនុយក្លេអ៊ែរនោះទេ ហើយប្រទេសរបស់លោក មានសេរីភាពក្នុងការធ្វើសកម្មភាពពេញលេញ ៕
ឯកឧត្តម សុខ ចាន់ភក្តី តំណាងឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន អញើញជាអធិបតីភាព ក្នុងពិធីសំណេះសំណាល និងជូនវិញ្ញាបនបត្រវគ្គបណ្តុះបណ្តាល ដល់អ្នកសារព័ត៌មានចំនួន១១៥នាក់
ព្រះករុណា ព្រះមហាក្សត្រ ស្តេចយាងចូលរួមពិធីសម្ពោធបើកការប្រកួតកីឡាអាស៊ី លើកទី១៩ នៅទីក្រុងហាងចូវ
សម្តេចតេជោ ហ៊ុន សែន លើកឡើងថា៖ ឆ្នាំ២០២២កន្លងទៅ ថ្ងៃនេះខ្ញុំចេញដំណើរទៅ អង្គការសហប្រជាជាតិ ថ្ងៃនេះនាយករដ្ឋមន្ត្រីថ្មីចេញដំណើរទៅម្តង
ពិធីសម្ពោធ និងសិក្ខាសាលា បើកសាខាមជ្ឈមណ្ឌលបណ្តុះបណ្តាលភាសា ជប៉ុន រាជ សំណាង ខេត្តសៀមរាប
ប្រាសាទព្រះវិហារ ដ៏ល្បីល្បាញជារបស់ខ្មែរ ជាតំណាង «ស្នាដៃឯកដ៏មហាអស្ចារ្យរបស់ស្ថាបត្យកម្មខែ្មរ» ដែលត្រូវតែរួមគ្នាការពារទោះត្រូវលះបង់ក្នុងតម្លៃណាក៏ដោយ
