Connect with us

ព័ត៌មានទាន់ហេតុការណ៍

ចិនប្រកាសដក-ដាក់តំណែងសំខាន់ៗមួយចំនួន ក្នុងជួររដ្ឋបាលទីក្រុងហុងកុង

ប៉េកាំង៖ នៅថ្ងៃសុក្រនេះ ក្រុមប្រឹក្សារដ្ឋនៃប្រទេសចិន បានប្រកាសអំពីការសម្រេចតែងតាំង ក៏ដូចជាដកតំណែងមន្រ្តីមួយចំនួន នៅតំបន់រដ្ឋបាលពិសេសហុងកុង។ នេះបើតាមការចេញផ្សាយ ដោយទីភ្នាក់ងារព័ត៌មានស៉ីនហួរ នៅរសៀលថ្ងៃសុក្រ ទី២៥ ខែមិថុនា ឆ្នាំ២០២១។

ក្នុងនោះ លោក លី កាឈីវ (Lee Ka-chiu) ត្រូវបានតែងតាំងជាអគ្គលេខាធិការរដ្ឋបាលទីក្រុងហុងកុង ជំនួសលោក ឆឹង គីមជុង (Cheung Kin-chung)។ ចំណែក លោក ថាង ភីងឃាង (Tang Ping-keung) ត្រូវបានតែងតាំងជាមន្រ្តីទទួលបន្ទុក កិច្ចការសន្តិសុខរបស់ហុងកុង ជំនួសលោក Lee Ka-chiu។ រីឯលោក ស៊ីវ ចាកយី (Siu Chak-yee) ត្រូវបានតែងតាំងជាស្នងការប៉ូលិសហុងកុង ជំនួសលោក Tang Ping-keung។

គួរបញ្ជាក់ថា ការផ្លាស់ប្តូរមន្រ្តីទីក្រុងហុងកុងខាងលើ ត្រូវបានធ្វើឡើងកាលពីថ្ងៃពុធសប្តាហ៍នេះ ដោយស្របទៅតាមច្បាប់មូលដ្ឋានរបស់ទីក្រុងហុងកុង និងយោងទៅតាមការជ្រើសតាំង ក៏ដូចជាអនុសាសន៍របស់មេដឹកនាំហុងកុងផ្ទាល់ គឺលោកស្រី ខារី ឡាំ (Carrie Lam)៕

Click to comment

Leave a Reply

Your email address will not be published.

Facebook